Álem • 24 Maýsym, 2022

Amerıkada qoǵamdyq orynda qarý ustaýǵa ruqsat berildi

16 ret kórsetildi

AQSh-tyń Joǵarǵy soty Nıý-Iorkte qoǵamdyq oryndarda jasyryn atys qarýyn alyp júrýdi shekteıtin zańnyń kúshin joıdy, dep habarlaıdy Egemen.kz Deutsche Welle-ge silteme jasap.

Sot organy zańnama aktisi AQSh Konstıtýsııasyn ekinshi túzetýde engizilgen «qarýdy saqtaý jáne alyp júrý» quqyǵyn buzǵanyn atap ótti.

Sýdıalardyń sheshimi adamdardyń Nıý-Iork kóshelerinde jáne Los-Andjeles pen Boston sııaqty basqa da iri qalalarda zańdy túrde qarý alyp júrýine múmkindik bermek. Bul – AQSh Joǵarǵy sotynyń on jyldan astam ýaqyt ishinde qarý-jaraq týraly qabyldaǵan alǵashqy iri sheshimi. Ol jaqynda bolǵan jappaı atystardan keıin qabyldanyp otyr.

Nıý-Iork qalasynyń meri Erık Adams bul sheshimnen týyndaıtyn qaýipti azaıtý úshin jumys isteıtinin jáne shahardyń «jabaıy batysqa» aınalýyna jol bermeıtinin málimdedi.

AQSh prezıdentiniń ákimshiligi sýdıalardy Nıý-Iork zańyn saqtaýǵa shaqyrdy. 

Sońǵy jańalyqtar

Uqsas jańalyqtar