Oqıǵa • 26 Maýsym, 2022

Qapshaǵaıda balalardy qutqarmaq bolǵan eki adam sýǵa ketti

65 ret kórsetildi

Qapshaǵaıda 32 jáne 30 jastaǵy eki eresek adam, 15 jáne 12 jastaǵy eki bala sýǵa batyp ketti. Barlyǵy týysqandar bolǵan, dep habarlaıdy Egemen.kz.

«26 maýsym kúni Qonaev qalasyndaǵy, Qapshaǵaı sý qoımasynda (Golýboı zalıv aýdany) shomylýǵa arnalmaǵan jerde tórt adam – 1990 jyly týǵan áıel, 1992 jyly týǵan er adam jáne 2007, 2010 jyldary týǵan eki bala sýǵa batyp ketti, 1954 jyly týǵan taǵy bir áıel adam qutqaryldy. Barlyǵy týysqandar», delingen QR Tótenshe jaǵdaılar mınıstrliginiń baspasóz qyzmeti usynǵan málimetti.

Anyqtalǵandaı, sý qoımasynda shomylý barysynda tolqyn kóterilip, aǵaıyndy 2 bala bata bastaǵan. Olardy aǵasy, ápkesi jáne ájesi qutqarýǵa umtylǵan. Biraq tek ájesi aman qaldy. TJD qutqarýshylary eki bala men er adamnyń denesin sýdan alyp shyqty.

Aıta keteıik, Qonaev qalasynda shomylýǵa ruqsat etilgen 7 qalalyq jaǵajaı bar. Onda q utqarýshylar kezekshiligi uıymdastyrylǵan. Sonymen qatar qalada 140-qa jýyq jeke demalys orny jumys istep tur.

Almaty oblysynyń Tótenshe jaǵdaılar departamenti azamattardan arnaıy jabdyqtalǵan oryndarda ǵana sýǵa shomylýdy, júze almaǵan jaǵdaıda sýǵa belden joǵary túspeýdi, balalardy sý janynda qaraýsyz qaldyrmaýdy, sý janynda demalý kezinde spırttik ishimdik ishpeýdi jáne daýyldy jel turǵan kúnderi sýǵa shomylmaýdy suraıdy.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar