«О́ńir» depýtattyq toby shaǵyn jáne orta bıznesti damytý máselelerin talqylady

Ońtústik Qazaqstan oblysynda Qazaqstan Respýblıkasy Parlamenti Senatynyń «О́ńir» depýtattyq tobynyń kóshpeli otyrysy boldy. Kezdesý Qazaqstan Prezıdentiniń «Qazaqstan joly – 2050: bir maqsat, bir múdde, bir bolashaq» atty halyqqa Joldaýy aıasynda shaǵyn jáne orta bıznesti damytý memlekettik qoldaý taqyrybyn talqylaýǵa arnaldy. Sharaǵa «О́ńir» depýtattyq to­by­nyń músheleri, senator­lar Ermek Jumabaev, Qýa­nysh Aıtahanov, Svetlana Jalma­ǵam­betova, Ashat Kúzekov, Orynbaı Rah­manberdıev, Jumabek Tóregel­dınov, Murat Baqtııaruly, Oń­tústik Qazaqstan oblysynyń áki­mi Asqar Myrzahmetov, О́ńirlik damý mınıstriniń birinshi orynba­sary Qaıyrbek О́skenbaev, Aýyl sharýa­sh­ylyǵy mınıstriniń oryn­basary Saparhan Omarov, ob­lys­tyq máslıhattyń depýtattary, jergilikti organdardyń jáne úkimettik emes uıymdardyń ókilderi qatysty. «Qazaqstan-2050» Stra­te­gııa­synyń mańyzdy baǵyttarynyń biri – shaǵyn jáne orta bıznestiń damýyna neǵurlym qolaıly jaǵdaılar jasaý bolyp tabylady. Memleket basshysy «bizdiń eko­nomıkamyzda shaǵyn jáne orta bıznestiń úlesi neǵurlym kóp bolǵan saıyn, soǵurlym Qazaq­stannyń damýy turaqty bola­dy» dep birneshe ret atap aıtqan bolatyn», – dedi Parlament Sena­tynyń depýtaty, «О́ńir» depýtatt­yq tobynyń jetekshisi Ermek Jumabaev. Elimizdiń Prezıdenti ishki jalpy ónim quramyndaǵy shaǵyn jáne orta kásipkerliktiń úlesin kó­beıtý úshin alǵa birqatar min­detter qoıdy. Atap aıtqanda, jekemenshik ınstıtýttaryn zańna­malyq turǵydan nyǵaıtý boıynsha keshendi sheshimder qabyldaý, bıznestiń damýyna kedergi keltiretin ınertti quqyqtyq normalardyń kúshin joıý, osy sektor sýbektileri bankrottyǵynyń naqty tetigin engizý, keıinnen orta bıznes qataryna aýysý perspektıvasymen shaǵyn bıznestiń mamandanýyn damytý boıynsha sharalar koldaný, jumysyn jańadan bastap jatqan bıznesmenderge ádistemelik kómektiń tıimdi tetikterin jasaý kózdelip otyr. Elbasynyń osy­naý jasampaz saıasatyn zań tur­ǵy­synan qamtamasyz etýge Par­lament Senatynyń depýtattary da, onyń ishinde «О́ńir» depýtattyq toby da óz úlesin qosatyn bolady. «Qazirgi ýaqytta, respýblıkada 871,5 myń shaǵyn jáne orta ká­sipkerlik sýbektisi jumys isteı­di, 2,6 mıllıon adam jumys­pen qamtylǵan, olar 9 019,7 mıl­lıard teńgeniń ónimin shyǵara­dy. Elimizdiń 17 qalasynda kásip­ker­lerge qyzmet kórsetý ortalyǵy quryldy, olar byltyr 22 074 konsýltasııa berdi. 27 monoqalanyń barlyǵynda kásipkerlerdi qoldaý ortalyqtary jumys istep tur. 2014 jyly 160 aýdan ortalyǵynyń barlyǵynda kásipkerlerge qyzmet kórsetý ortalyǵy ashylady», – dedi E.Jumabaev. Kóshpeli otyrys barysyn­da senatorlar Ońtústik Qazaq­stan oblysyndaǵy kásipker­ler­ge qyzmet kórsetý ortalyq­tary­nyń jumysymen tanysty. Onda depýtattarǵa Údemeli ındýs­trııalyq-ınnovasııalyq damý mem­lekettik baǵdarlamasyn iske asyrý jaıy kórsetildi, dep habarlady Senattyń baspasóz qyzmeti.