Buǵan deıin memlekettik aıyptaýshy tarap kúdiktilerdi kináli dep tanýdy suraǵan edi.
Prezıdent apparatynyń buryǵy basshysy Farıd Nııazov sot zalynda qamaýdan bosatyldy. Burynǵy prezıdent Almazbek Atambaev sot zalynan shyǵaryldy.
Eske sala ketsek, 2020 jyldyń 5-6 qazanynda Bishkekte Jogorký Kenesh depýtattaryn saılaý qorytyndylaryn burmalaýǵa qarsy jappaı narazylyq sherýleri ótken bolatyn. Osydan keıin jappaı tártipsizdikter oryn alyp, saldarynan azamattar zardap shekti.
Kolonııalardan birqatar sottalǵan saıasatkerler shyǵaryldy. Onyń ishinde eks-prezıdent Almazbek Atambaev ta bar. Ol qylmys serkesi Azız Batýkaevty zańsyz bostandyqqa jibergeni úshin 11 jylǵa sottalǵan edi. Keıin 2020 jyldyń qazan aıynda jappaı tártipsizdikter boıynsha qylmystyq is júrgizý aıasynda Almazbek Atambaev, prezıdent apparatynyń burynǵy basshysy Farıd Nııazov, MUQK burynǵy qyzmetkeri Qanat Saǵymbaev, IIM basshysynyń burynǵy orynbasary Kýrsan Asanov, belsendi Temirlan Sultanbekov jáne saıasatker Jenısh Moldokmatov ustalǵan.
