Álem • 29 Maýsym, 2022

Reseı tehnıkalyq defoltqa ushyrady

36 ret kórsetildi

Blýmberg agenttigi 100 jylda alǵash ret Reseıdiń sheteldik valıýtadaǵy táýelsiz qaryz boıynsha defoltqa ushyraǵanyn habarlady.

Reseı sheteldik valıýtamen (dollarmen) satyp alǵan oblı­gasııa boıynsha paıyzdardy dollarmen tóleýge tıis. Biraq dollarlyq shottary buǵat­ta jatqandyqtan Reseı halyq­aralyq ınvestorlarǵa paıyzdar­dy dollarmen tó­leı almaı­dy. Rýblmen tóleıin dese, ony eshkim qabyl­da­maı­dy. Agent­tiktiń málime­tin­she, 100 mln dol­larǵa jýyq mól­sherdegi paıyzdy tóleý boıyn­sha jeńildik kezeńi ót­ken jeksenbide aıaqtalǵan.

Loomis Sayles & Company LP aǵa taldaýshysy Hasan Má­­lik­­tiń aıtýynsha, ózinde qar­jy bola tura ózge úkimetter qy­sy­­mymen defoltqa ushyraý – sırek kezdesetin jaǵdaı. Bul tarıhtaǵy asa iri defolt bolady dep boljaıdy sarap­shy. Alaıda RF pre­zıden­ti­niń baspasóz hatshysy Dmıt­rıı Peskov valıýtalyq qaryz min­dettemesi boıynsha de­folt­qa tap bolǵan joqpyz deıdi.

Kóptegen reıtıng agent­ti­­giniń habarlaýynsha, mem­­­lekettik qaryz boıynsha tó­­lemdi rýblmen jasaý Re­seıdiń tehnıkalyq de­folt­qa kirgenin bildiredi. Iаǵnı memlekette aqsha bar, bi­raq qaryzdaryn ol aqshamen tóleı almaıdy. AQSh Qar­jy mınıstrligi Reseıdi mıl­lıard­taǵan qaryzdardy (halyq­aralyq ınvestorlarǵa) amerıkalyq bankter arqyly tóleý múmkindiginen aıyrǵan.

Sarapshylardyń aıtýyn­sha, sheteldik ınvestorlar Re­seıdiń defoltqa ushy­raýyn kútip otyr. Sebebi teh­nı­kalyq defolt ras­talǵan mezette halyqaralyq ın­ves­­tor­lardyń paıdasyna Reseı­diń shot­tarynan aqsha sheshiledi. Árı­ne, munyń bári zańdyq pro­sess. Degenmen Reseı úshin ja­ǵymdy bola qoıady deý qıyn.

Sarapshylar Reseıde defolt ornaǵan kúnde Qazaq­stanǵa asa zııany tımeıdi dep topshylaıdy.

«Eger batystyq serik­tes­ter Qazaqstanda ornalas­ty­rylǵan, biraq Reseıge tıesili qandaı da bir aktıvterge nazar aýda­ryp jatsa, onda defolt salqyny bizge de tııýi yqtımal. Alaı­da qaryz somasy kóp emes bolǵandyqtan jaqyn ýaqytta mundaı oqıǵa bola qoımas. Reseıden aqshany alý birneshe aı nemese jylǵa sozylady. Arbıtrajdyq sot jedel áreket etpeıdi», dep túsindiredi qar­jy sarapshysy Andreı Chebo­tarev.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar