Ekologııa • 29 Maýsym, 2022

Mamandar ıtbalyqtardyń qyrylý sebebin anyqtaı almady

14 ret kórsetildi

Jyl basynan beri Kaspıı teńiziniń jaǵalaýynan 219 ıtbalyqtyń óleksesi tabyldy. Ekologııa, geologııa jáne tabıǵı resýrstar mınıstrliginiń baspasóz qyzmeti ıtbalyqtardyń ushasy tabylǵan jerlerden tekserý nátıjeleri alynǵanyn aıtty, dep habarlaıdy Egemen.kz.

Gıdrobıologııa jáne ekologııa ınstıtýtynyń, «Mıkrobıologııa jáne vırýsologııa ǵylymı-óndiristik ortalyǵy» JShS, «Qazaqstandyq Qoldanbaly Ekologııa Agenttigi» JShS ǵylymı qyzmetkerleri, sondaı-aq Balyq sharýashylyǵy komıteti, Mańǵystaý oblysynyń ekologııa departamenti jáne QR AShM Veterınarııalyq baqylaý jáne qadaǵalaý komıtetiniń aýmaqtyq bólimsheleriniń quzyretti memlekettik organdarynyń ókilderi qatysqan talqylaý nátıjesi boıynsha osy jyldyń 24 maýsymynda ıtbalyqtardyń ólimi boıynsha qorytyndy daıyndalǵan.

«Qorytyndyǵa sáıkes, tabylǵan ólekselerdiń qatty ydyraýyna baılanysty, ólimniń naqty sebepterin anyqtaý múmkin bolmady. Sonymen qatar ǵalymdar men quzyretti memlekettik organdardyń pikirinshe, jańa týǵan kúshikterdiń muz ústinde ashyq teńizge shyǵarý saldarynan olardyń álsizdenýi, kúshikterdiń sýǵa túsýi saldarynan qatyp qalýy, eresek ıtbalyqtardyń balyq aýlaý torlaryna túsýi, sondaı-aq kemelerdiń burandalaryna túsýi qyrylýdyń yqtımal sebepteri bolýy múmkin», delingen vedomstvo habarlamasynda.

Ǵylymı uıymdar men múddeli memlekettik organdardyń ókilderi Kaspıı teńizinde júrgizilip jatqan túp tereńdetý jumystary tabylǵan ıtbalyqtardyń qyrylýyna tikeleı áser etpeıdi jáne yqtımal sebep retinde qarastyrylmaıdy degen ortaq pikirge keldi.

Kaspıı ıtbalyǵy transshekaralyq sý janýarlary bolǵanyna baılanysty, 2021 jylǵy qyrkúıekte Qazaqstan men Reseıdiń XVII aımaqaralyq yntymaqtastyq forýmy barysynda Qazaqstan men Reseı Ekologııa mınıstrlikteri arasynda Kaspıı ıtbalyǵynyń popýlıasııasyn saqtaý jónindegi 2021-2026 jyldarǵa arnalǵan birlesken is-qımyl josparyna qol qoıyldy.

«Memleket basshysy Kaspıı ıtbalyǵy popýlıasııasynyń azaıýyn sheshý máselesin jeke baqylaýyna aldy jáne búgingi kúni Mınıstrlik Kaspıı ıtbalyǵynyń kóbeıý jáne mekendeý oryndaryn saqtaý úshin erekshe qorǵalatyn tabıǵı aýmaq qurý máselesin pysyqtaýda. Búgingi tańda tıisti jaratylystaný-ǵylymı negizdeme ázirlenýde.

Budan basqa, 2020 jyldan bastap Kaspıı ıtbalyǵy janýarlardyń sırek kezdesetin jáne quryp ketý qaýpi tóngen túrleriniń tizbesine engizildi (Qazaqstan Respýblıkasynyń Qyzyl kitaby) jáne QR Qylmystyq kodeksine sáıkes, janýarlardyń sırek kezdesetin jáne quryp ketý qaýpi tóngen túrlerin aýlaý 3000 AEK deıin aıyppul salýǵa nemese 3 jylǵa deıin bas bostandyǵyn shekteýmen jazalanady.

О́z kezeginde, bıylǵy jyldyń kókteminde Kaspıı teńiziniń jaǵalaýynda ıtbalyqtardyń ólekseleri tabylǵanyna baılanysty Mańǵystaý oblysynyń polısııa departamentine prosestik sharalar qabyldaý úshin tıisti materıaldar joldandy», delingen mınıstrliktiń habarlamasynda.

Sońǵy jańalyqtar

Shekaranyń shebi berik

Qazaqstan • Keshe

1,1 mln gektar jer qaıtaryldy

Qazaqstan • Keshe

Kúre jolda kóp ózgeris bar

Aımaqtar • Keshe

Baqyt mınıstrligi

Qoǵam • Keshe

Elektr jelileri tozyp tur

Ekonomıka • Keshe

Shyǵyn kóbeıse, tarıf ósedi

Ekonomıka • Keshe

Ult ustazynyń ulaǵaty

Ahmet Baıtursynuly • Keshe

«Qylmysker» qalam

О́ner • Keshe

Bethovenniń ómiri

О́ner • Keshe

Ulttyq oıyndar – qundy muramyz

Ulttyq sport • Keshe

Alan alǵan 15-shi júlde

Tennıs • Keshe

Uqsas jańalyqtar