2014 jylǵy 19 aqpan Astana, Úkimet Úıi
Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksi 6-babynyń 11) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń densaýlyq saqtaý uıymdary jelisiniń memlekettik normatıvi (budan ári – memlekettik normatıv) bekitilsin.
2. Oblystardyń, respýblıkalyq mańyzy bar qalanyń jáne astananyń ákimderi:
1) 2015 jylǵy 1 shildege deıingi merzimde densaýlyq saqtaý salasyndaǵy ýákiletti organmen kelisim boıynsha óńirdiń densaýlyq saqtaý uıymdarynyń jelisin damytýdyń 2015 – 2025 jyldarǵa arnalǵan perspektıvalyq josparyn bekitsin;
2) óńirdi damytýdyń perspektıvalyq josparyna sáıkes densaýlyq saqtaý uıymdarynyń qoldanystaǵy jelisiniń nomenklatýrasyn kezeń-kezeńimen memlekettik normatıvke sáıkes keltirýdi qamtamasyz etsin;
3) densaýlyq saqtaý uıymdary jelisiniń memlekettik normatıvin damytý, onyń ishinde keńeıtý jónindegi sharalardy tolyq kólemde oryndaý shartymen jáne olardyń ornyqty jumys isteýin qamtamasyz etý jónindegi is-sharalardy qabyldasyn.
3. Mynalardyń kúshi joıyldy dep tanylsyn:
1) «Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2131 qaýlysy (budan ári – qaýly) (Qazaqstan Respýblıkasynyń PÚAJ-y, 2009 j., № 59, 525-qujat);
2) «Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2131 qaýlysyna ózgeris engizý týraly» Qazaqstan Respýblıkasy Úkimetiniń 2011 jylǵy 27 tamyzdaǵy № 975 qaýlysy (Qazaqstan Respýblıkasynyń PÚAJ-y, 2011 j., № 52, 735-qujat);
3) «Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2131 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 30 naýryzdaǵy № 395 qaýlysy (Qazaqstan Respýblıkasynyń PÚAJ-y, 2012 j., № 40, 536-qujat).
4. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń 2014 jylǵy 19 aqpandaǵy №114 qaýlysymen bekitilgen
Qazaqstan Respýblıkasynyń densaýlyq saqtaý uıymdary jelisiniń memlekettik normatıvi
1. Aýdandyq deńgeıde: 1) ambýlatorııalyq-emhanalyq kómek kórsetetin densaýlyq saqtaý uıymdary: halqynyń sany 50-den (elý) 800 (segiz júz) adamǵa deıin bolatyn árbir eldi mekende (aýyldyq okrýgte) medısınalyq pýnkt qurylady; halqynyń sany 800-den (segiz júz) 2 000 (eki myń) adamǵa deıin bolatyn árbir eldi mekende (aýyldyq okrýgte) feldsherlik-akýsherııalyq pýnkt* qurylady; tirkelgen halqynyń sany 2000 (eki myń) jáne odan kóp eldi mekende (aýyldyq okrýgte) dárigerlik ambýlatorııa (otbasylyq densaýlyq ortalyǵy) qurylady; tıisti medısınalyq kadrlar jáne úı-jaılary bolǵan kezde tirkelgen halyqtyń sany 10000 (on myń) adam jáne odan asatyn shaǵyn aýyldyq eldi mekenderde aýyldyq emhana qurylady; aýdan ortalyǵynda aýdandyq emhana (budan ári – AE): 2) stasıonarlyq kómek kórsetetin densaýlyq saqtaý uıymdary: qyzmet kórsetiletin halyqtyń sany 5000 (bes myń) adamnan kem bolmaıtyn aýyldyq eldi mekenderde aýyldyq aýrýhana; aýdan ortalyǵynda aýdandyq aýrýhana; qyzmet kórsetiletin halyqtyń sany 20 000 (jıyrma myń) adam jáne odan kóp aýyldyq eldi mekenderi bar aýdanda nómirlik aýdandyq aýrýhanalar qurylady; qyzmet kórsetiletin halyqtyń sany 100 000 (júz myń) adam jáne odan kóp aýdandarda ortalyq/aýdandyq aýrýhananyń bazasynda kóp beıindi aýdanaralyq aýrýhana qurylady; týberkýlezge qarsy aýrýhana (dıspanser) aýdandyq/aýdanaralyq deńgeılerde qurylady; 3) jedel medısınalyq kómek jáne sanıtarııalyq avıasııa uıymdary: jedel medısınalyq járdem stansııasy ortalyq/aýdandyq jáne kóp beıindi aýrýhananyń qurylymdyq bólimshesi retinde; 4) qalpyna keltirý emi jáne medısınalyq ońaltý uıymdary: aýyldyq/aýdandyq/kóp beıindi aýrýhananyń janyndaǵy ońaltý bólimshesi (tósekteri); 5) pallıatıvtik kómek jáne meıirgerlik kútim kórsetetin uıymdar: aýyldyq/aýdandyq/kóp beıindi aýrýhananyń janyndaǵy hospıs/bólimshe (tósekteri); 6) sot medısınasy jáne patologııalyq anatomııa salasyndaǵy qyzmetti júzege asyratyn uıymdar: ortalyqtandyrylǵan patologoanatomııalyq bólimshe aýdandyq/kóp beıindi aýrýhananyń qurylymdyq bólimshesi retinde; 7) salamatty ómir saltyn qalyptastyrý jáne durys tamaqtaný salasyndaǵy qyzmetti júzege asyratyn densaýlyq saqtaý uıymdary: salamatty ómir saltyn qalyptastyrýdyń aýdandyq ortalyǵy. 2. Qalalyq deńgeıde: 1) ambýlatorııalyq-emhanalyq kómek kórsetetin densaýlyq saqtaý uıymdary: tirkelgen halqynyń sany 30000 (otyz myń) adamnan kem emes qalalarda bir aýmaqtyq ýchaske sheginde dárigerlik ambýlatorııa (otbasylyq densaýlyq ortalyǵy); tirkelgen halqynyń sany 30000 (otyz myń) adamnan asatyn qalalarda bir aýmaqtyq ýchaske sheginde qalalyq emhana (budan ári – QE), biraq keminde bir QE; respýblıkalyq mańyzy bar qalada jáne astanada stomatologııalyq emhana; respýblıkalyq mańyzy bar qalada jáne astanada konsýltasııalyq-dıagnostıkalyq ortalyq; 2) stasıonarlyq kómek kórsetetin densaýlyq saqtaý uıymdary: qalalarda (aýdan ortalyǵyn qospaǵanda), respýblıkalyq mańyzy bar qalada jáne astanada kóp beıindi stasıonar túrindegi qalalyq aýrýhana; qyzmet kórsetiletin halyqtyń sany 100 000 (bir júz myń) adamnan 300 000 (úsh júz myń) myń adamǵa deıin bolatyn qalalarda kóp beıindi stasıonar túrinde qalalyq aýrýhana/jedel medısınalyq járdem aýrýhanasy; respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 100 000 (bir júz myń) adamnan asatyn qalalarda kóp beıindi stasıonar túrinde qalalyq balalar aýrýhanasy; respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 300 000 (úsh júz myń) adamnan asatyn qalalarda kóp beıindi stasıonar janynda perınataldyq ortalyq/perzenthana bólimshe; respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 300 000 (úsh júz myń) adamnan asatyn qalalarda týberkýlezge qarsy aýrýhana (dıspanser); respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 300 000 (úsh júz myń) adamnan asatyn qalalarda onkologııalyq aýrýhana (dıspanser); respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 300 000 (úsh júz myń) adamnan asatyn qalalarda narkologııalyq aýrýhana (dıspanser); respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 300 000 (úsh júz myń) adamnan asatyn qalalarda psıhıatrııalyq aýrýhana (dıspanser); respýblıkalyq mańyzy bar qalada jáne astanada kóp beıindi aýrýhananyń janynda teri-venerologııalyq aýrýhana (dıspanser)/bólimshe; respýblıkalyq mańyzy bar qalada jáne astanada kóp beıindi aýrýhananyń janynda ınfeksııalyq aýrýhana/bólimshe; 3) jedel medısınalyq kómek jáne sanıtarııalyq avıasııa uıymdary: respýblıkalyq mańyzy bar qalada jáne astanada, sondaı-aq qyzmet kórsetiletin halyqtyń sany 100 000 (bir júz myń) adamnan asatyn qalalarda jedel medısınalyq járdem stansııasy; turǵylyqty halyqtyn sany 100 000 (bir júz myń) adamnan aspaıtyn qalalarda jedel medısınalyq járdem stansııasy qalalyq emhananyń qurylymdyq bólimshesi retinde qurylady; 4) qalpyna keltirý emi jáne medısınalyq ońaltý uıymdary: qyzmet kórsetiletin halyqtyń sany 150 000 (júz elý myń) adamnan asatyn qalalarda sanatorıı, mamandandyrylǵan sanatorıı, profılaktorıı, ońaltý ortalyǵy; 5) pallıatıvtik kómek jáne meıirgerlik kútim kórsetetin uıymdar: qyzmet kórsetiletin halyqtyń sany 400 000 (tórt júz myń) adamnan asatyn jerlerde hospıs (bólimshe, tósekter), meıirgerlik kútim kórsetetin aýrýhana; 6) qan qyzmeti salasyndaǵy qyzmetti júzege asyratyn uıymdar: respýblıkalyq mańyzy bar qalada jáne astanada qan ortalyǵy; 7) sot medısınasy jáne patologııalyq anatomııa salasyndaǵy qyzmetti júzege asyratyn uıymdar: patologııalyq-anatomııalyq bıýro derbes zańdy tulǵa retinde nemese ortalyqtandyrylǵan patologııalyq-anatomııalyq bólimshe retinde respýblıkalyq mańyzy bar qalada, astanada jáne halyqtyń sany 300 000 (úsh júz myń) adamnan asatyn qalalarda stasıonarlyq kómek kórsetetin uıymnyń qurylymdyq bólimshesi retinde qurylady; 8) salamatty ómir saltyn qalyptastyrý jáne durys tamaqtaný salasyndaǵy qyzmetti júzege asyratyn densaýlyq saqtaý uıymdary: respýblıkalyq mańyzy bar qalada jáne astanada salamatty ómir saltyn qalyptastyrý ortalyǵy; 9) AITV/JITS profılaktıkasy salasyndaǵy qyzmetti júzege asyratyn densaýlyq saqtaý uıymdary: respýblıkalyq mańyzy bar qalada jáne astanada JITS-tyń aldyn alý jáne oǵan qarsy kúres jónindegi ortalyq. 3. Oblystyq deńgeıde: 1) ambýlatorııalyq-emhanalyq kómek kórsetetin densaýlyq saqtaý uıymdary: oblystyq ortalyqta tirkelgen halyqtyń sany 30000 (otyz myń) adamnan aspaıtyn bir aýmaqtyq ýchaskeniń sheginde dárigerlik ambýlatorııa (otbasylyq densaýlyq ortalyǵy); tirkelgen halqynyń sany 30 000 (otyz myń) adamnan asatyn oblystyq ortalyqta bir aýmaqtyq ýchaske sheginde qalalyq emhana (budan ári – QE), biraq keminde bir QE; stomatologııalyq emhana: konsýltasııalyq-dıagnostıkalyq ortalyq; 2) stasıonarlyq kómek kórsetetin densaýlyq saqtaý uıymdary: oblystyq aýrýhana; oblystyq balalar aýrýhanasy; kóp beıindi aýrýhanalardyń janyndaǵy perınataldyq ortalyq/perzenthanalyq bólimshe; týberkýlezge qarsy aýrýhana (dıspanser); onkologııalyq aýrýhana (dıspanser); narkologııalyq aýrýhana (dıspanser); psıhıatrııalyq aýrýhana (dıspanser); kóp beıindi aýrýhananyń janyndaǵy teri-venerologııa aýrýhanasy (dıspanser)/bólimshe; kóp beıindi aýrýhananyń janyndaǵy ınfeksııalyq aýrýhana/bólimshe; 3) jedel medısınalyq kómek jáne sanıtarııalyq avıasııa uıymdary: jedel medısınalyq járdem stansııasy; halyqqa shuǵyl medısınalyq kómek kórsetý bólimshesi (sanıtarııalyq avıasııa) oblystyq aýrýhananyń nemese densaýlyq saqtaýdy memlekettik basqarýdyń jergilikti organy aıqyndaıtyn ózge uıymnyń qurylymdyq bólimshesi retinde; 4) qalpyna keltirý emi jáne medısınalyq ońaltý uıymdary: qyzmet kórsetiletin halyqtyń sany 150 000 (júz elý myń) adamnan asatyn oblystyq deńgeıde ońaltý ortalyǵy, sanatorıı, mamandandyrylǵan sanatorıı, profılaktorıı; 5) pallıatıvtik kómek jáne meıirgerlik kútim kórsetetin uıymdar: qyzmet kórsetetin halyqtyń sany 400 000 (tórt júz myń) adamnan asatyn jerde meıirgerlik kútim kórsetetin aýrýhana, hospıs (bólimshe, tósekter). 6) qan qyzmeti salasyndaǵy qyzmetti júzege asyratyn uıymdar: qan ortalyǵy; 7) sot medısınasy jáne patologııalyq anatomııa salasyndaǵy qyzmetti júzege asyratyn uıymdar: sot medısınasy ortalyǵy; patologııalyq-anatomııalyq bıýro derbes zańdy tulǵa nemese ortalyqtandyrylǵan patologııalyq-anatomııalyq bólimshe retinde stasıonarlyq kómek kórsetetin uıymnyń qurylymdyq bólimshesi retinde qurylady; 8) salamatty ómir saltyn qalyptastyrý jáne durys tamaqtaný salasyndaǵy qyzmetti júzege asyratyn densaýlyq saqtaý uıymdary: salamatty ómir saltyn qalyptastyrý ortalyǵy; 9) AITV/JITS profılaktıkasy salasyndaǵy qyzmetti júzege asyratyn densaýlyq saqtaý uıymdary: JITS profılaktıkasy jáne oǵan qarsy kúres jónindegi ortalyq. 4. Apattar medısına uıymdary: apattar medısına ortalyǵy respýblıkalyq deńgeıde qurylady. 5. Farmasevtıkalyq qyzmetti júzege asyratyn densaýlyq saqtaý uıymdary: dárilik zattar, medısınalyq maqsattaǵy buıymdar jáne medısınalyq tehnıka aınalymy salasyndaǵy obektiler – Qazaqstan Respýblıkasynyń Úkimeti bekitken úlgilik erejelerge sáıkes jumys isteıtin dárihana, medısınalyq-sanıtarııalyq alǵashqy kómek, konsýltasııalyq-dıagnostıkalyq kómek kórsetetin densaýlyq saqtaý uıymdaryndaǵy dárihana pýnkti, shalǵaıdaǵy aýyldyq jerlerge arnalǵan jyljymaly dárihana pýnkti, dárihana qoımasy, dárilik zattardy, medısınalyq maqsattaǵy buıymdardy jáne medısınalyq tehnıkany ýaqytsha saqtaý qoımasy, optıka dúkeni, medısınalyq tehnıka jáne medısınalyq maqsattaǵy buıymdar dúkeni, medısınalyq tehnıka jáne medısınalyq maqsattaǵy buıymdar qoımasy, dárilik zattardy, medısınalyq maqsattaǵy buıymdardy jáne medısınalyq tehnıkany óndiretin uıymdar. 6. Halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn densaýlyq saqtaý uıymdary respýblıkalyq deńgeıde qurylady: 1) sanıtarııalyq-epıdemıologııalyq saraptama ortalyǵy; 2) sanıtarııalyq-epıdemıologııalyq stansııa; 3) obaǵa qarsy stansııa; 4) dezınfeksııa stansııasy. 7. Densaýlyq saqtaý salasyndaǵy ǵylymı uıymdar: ǵylymı ortalyq, ǵylymı-zertteý ınstıtýty respýblıkalyq deńgeıde, respýblıkalyq mańyzy bar qalada jáne astanada qurylady. 8. Densaýlyq saqtaý salasyndaǵy bilim berý uıymdary: orta medısınalyq jáne farmasevtıkalyq bilim berý uıymdary, joǵary jáne joǵary oqý ornynan keıingi medısınalyq jáne farmasevtıkalyq bilim berý uıymdary respýblıkalyq deńgeıde, respýblıkalyq mańyzy bar qalada, astanada, oblystyq, aýdandyq (aýdandyq mańyzy bar qalada) deńgeılerde. 9. Densaýlyq saqtaý salasyndaǵy ulttyq holdıng respýblıkalyq deńgeıde qurylady. 10. Respýblıkalyq densaýlyq saqtaý uıymdary Qazaqstan Respýblıkasy Úkimetiniń qaýlysymen bekitiletin Qazaqstan Respýblıkasy Densaýlyq saqtaý mınıstrliginiń qaramaǵyndaǵy uıymdar men onyń vedomstvolarynyń tizbesine sáıkes qurylady. * - jergilikti atqarýshy organdardyń sheshimi boıynsha tirkelgen halqynyń kórsetilgen sany bar aýyldyq eldi mekenderde kadrlar men tıisti úı-jaı bolǵan jaǵdaıda dárigerlik ambýlatorııa qurylady.
