Oqıǵa • 30 Maýsym, 2022

«Ksell» jáne «Mobaıl Telekom-Servıske» qatysty tergeý bastaldy

44 ret kórsetildi

2022 jylǵy 17 maýsymda Almaty qalasy boıynsha monopolııaǵa qarsy departament «Ksell» AQ men «Mobaıl Telekom-Servıs» JShS-ǵa qatysty monopolııalyq joǵary baǵalardy belgileý bóliginde tergep-tekserýlerdi bastady, dep habarlaıdy Egemen.kz Básekelestikti qorǵaý jáne damytý agenttigine silteme jasap.

«Ksell» AQ-ǵa qatysty: Azamattardyń uıaly baılanys operatorlarynyń baǵasynyń ósýine jıi júginýlerine baılanysty Básekelestikti qorǵaý jáne damytý agenttigi 2020-2021 jyldary uıaly baılanys jáne mobıldi ınternet qyzmetteriniń tarıfterin taldady. Quramyna «Ksell» AQ jáne «Mobaıl Telekom-Servıs» JShS kiretin «Qazaqtelekom» AQ tobynyń (35%-dan astam) ústem jaǵdaıy anyqtaldy.

«Ksell» AQ taldaý kezeńinde uıaly baılanys (orta eseppen 756 teńge) jáne mobıldi ınternet (orta eseppen 1765 teńge) qyzmetterine eń joǵary baǵa belgiledi. Mysaly, birqatar operatorda uıaly baılanys qyzmetterine eń tómengi baǵa orta eseppen 332 teńgeni, mobıldi ınternet qyzmetterine – orta eseppen 1022 teńgeni qurady.

Monopolııaǵa qarsy zańnamany buzý belgileriniń anyqtalýyna baılanysty, uıaly baılanys jáne ınternet qyzmetterine monopolııalyq joǵary baǵalardy belgileý belgileri boıynsha «Ksell» AQ-ǵa qatysty tergep-tekserý bastaldy», delingen habarlamada.

«Mobaıl Telekom-Servıs» JShS-ǵa qatysty: 2020-2021 jyldary SMS-taratý qyzmetteri naryǵyndaǵy baǵa monıtorınginiń qorytyndysy boıynsha Agenttik basqa baılanys operatorlarymen salystyrǵanda «Mobaıl Telekom-Servıs» JShS-nyń baǵalardy ósirgenin anyqtady.

«Baılanys operatorlary 2021 jyly 2020 jylmen salystyrǵanda SMS-taratý tarıfterin orta eseppen 14,03%-ǵa arttyrǵan. Bul rette, eń joǵary ortasha baǵa «Qazaqtelekom» AQ tobyna kiretin «Mobaıl Telekom-Servıs» JShS-da jáne «KaR-Tel» JShS-men salystyrǵanda «Ksell» AQ operatorlarynda tirkeldi. Baǵanyń eń joǵary ósý qarqyny «Mobaıl Telekom-Servıs» JShS men «Ksell» AQ-da tirkeldi.

SMS-taratý qyzmetine monopolııalyq joǵary baǵa belgileý belgileri boıynsha «Mobaıl Telekom-Servıs» JShS qatysty tergep-tekserý bastaldy», dep jazdy vedomstvo.

Sońǵy jańalyqtar

Uqsas jańalyqtar