Qoǵam • 30 Maýsym, 2022

Qazaqstan taǵy 73 jolaýshylar vagonyn satyp alady

36 ret kórsetildi

Bul týraly Indýstrııa jáne ınfraqurylymdyq damý mınıstrligi kólik komıteti tóraǵasynyń mindetin atqarýshy Qasym Tilepov málim etti, dep habarlaıdy Egemen.kz.

«Sońǵy 10 jylda biz 1100-den astam jolaýshylar vagonyn jańarttyq. Jolaýshy vagondarynyń ortasha tozýy - shamamen 46%. Bıyl taǵy 73 jolaýshylar vagonyn satyp alýdy josparlap otyrmyz. Sondaı-aq bıznesti, ıaǵnı, jeke tasymaldaýshylardy qoldaý jáne yntalandyrý maqsatynda jolaýshylar tasymalyn sýbsıdııalaý, jolaýshy vagondaryn satyp alý kezinde syıaqy mólsherlemesin sýbsıdııalaý engizildi. Qazir shveısarııalyq «Shtadler» kompanııasymen eýropalyq standart boıynsha jolaýshy vagondaryn shyǵarý máselesi pysyqtalyp jatyr», dedi Qasym Tilepov Ortalyq kommýnıkasııalar qyzmeti alańynda ótken baspasóz máslıhatynda.

Onyń aıtýynsha, 2029 jylǵa deıin elimizde 530-dan astam vagon satyp alynady.

«Poıyzdarǵa qatysty belgili bir kólemde aryz-shaǵym baryn bilemiz. Sondyqtan búgingi alańǵa tasymaldaýshy kompanııalardyń ókilderin shaqyrdyq. Sońǵy 5 aıda bizge 1000-nan astam ótinish, aryz kelip tústi. Árbir ótinish jeke qaralyp, tıisti sharalar qabyldandy. Atap aıtqanda, atalǵan 5 aıda 200-den astam vagon tekserildi, olardan 431 tártip buzý faktisi anyqtaldy. Nátıjesinde shamamen 32 mln teńge somaǵa aıyppul salyndy», dedi vedomstvo ókili.



 

Sońǵy jańalyqtar

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Dollar qymbattady

Ekonomıka • Keshe

Uqsas jańalyqtar