Aımaqtar • 30 Maýsym, 2022

Túrkistanda sýǵa batyp ketken úndistandyqtar áli tabylǵan joq

65 ret kórsetildi

Túrkistan oblysynyń Tótenshe jaǵdaılar departamenti sýǵa túsýge tyıym salynǵan jerde sýǵa batyp ketken Úndistannan kelgen eki stýdentti izdestirý bes kúnnen beri júrgizilip jatqanyn aıtty, dep habarlaıdy Egemen.kz.

«Aqsý ózeniniń tyıym salynǵan aýmaǵynda sýǵa túsip, batyp ketken eki stýdentti izdestirý osymen besinshi kún jalǵasyp jatyr. Izdestirýge Tótenshe jaǵdaılar departamenti men polısııa qyzmetkerleri jumyldyrylǵan: barlyǵy 58 adam», dep málimdedi Túrkistan oblysy Tótenshe jaǵdaılar departamentiniń baspasóz qyzmeti.

Sonymen qatar departament qyzmetkerleri ózen arnasynyń kanonyn zertteý kezinde qıyn bolýyna baılanysty Tótenshe jaǵdaılar mınıstrligine qarasty «Qazavıaspas» AQ tikushaǵy tartylǵanyn da túsindirdi.

Eske salaıyq, 26 maýsym kúni keshki ýaqytta Túrkistan oblysy Tólebı aýdany, Hanaryq aýylynan 5 shaqyrym jerde (Aqsý ózeniniń Aqsý shatqalynda) 2001 jyly týǵan eki stýdent belgisiz jaǵdaıda sýǵa batyp ketken edi.

Ońtústik Qazaqstan medısına akademııasynyń bir top stýdentteri (barlyǵy 22 adam, bir muǵalim men 21 Úndistan azamaty) Shymkentten kelgeni aıtyldy.

Sońǵy jańalyqtar

Uqsas jańalyqtar