Esterińizge sala keteıik, eki komanda 21 mamyrda kezdesken edi. Birinshi taımnyń 10-mınýtynda «Ordabasy» 1:0 esebimen jeńip jatqan kezde Qajymuqan Muńaıtpasov atyndaǵy stadıonnyń shatyry qulap, match keıinge shegerilgen edi. Mine, endi arada biraz ýaqyt ótkennen soń atalǵan komandalar qaıta jasyl alańǵa shyqty. Bul básekeniń 38-mınýtynda Vsevolod Sadovskıı ekinshi goldy soqty. Sodan keıin «Aqsý» birneshe ret qaýipti shabýyl uıymdastyrdy. Biraq qonaqtardyń bul áreketi esh nátıje bermedi. Qarymta shabýylǵa júgingen alań ıeleri 86 mınýtta úshinshi ret mergendik tanytty. Bul goldyń avtory – Elhan Astanov. Esep – 3:0.
Osy jeńisten keıin 23 upaı jıǵan «Ordabasy», «Aqtóbe», «Kaspıı» jáne «Tarazdy» basyp ozyp, jarys kestesinde úshinshi orynǵa kóterildi. Shymkenttikter «Astana» men «Tobyldan» qalyp keledi. Kósh basyndaǵy eki komanda 24 upaıdan enshileýde.
