Aımaqtar • 01 Shilde, 2022

Shymkentte de LRT salynýy múmkin

31 ret kórsetildi

Shymkent qalasynyń ákimi Murat Áıtenov OKQ brıfınginde megapolıste kóliktiń balama túrlerin salý máselesine túsinikteme berdi, dep habarlaıdy Egemen.kz.

Murat Áıtenov mundaı usynys qalanyń bas josparyna ózgerister engizý aıasynda kelip túskenin habarlady.

«Barlyq mamandar balamaly kóliktiń bolýyn talap etedi - bul LRT jáne BRT. Qaısysyn birinshi bolyp iske asyratynymyz qala bıýdjetiniń múmkindikterine baılanysty. Sondaı-aq ınvestorlardyń múmkindikteri men usynystary da qarastyrylady. Búgingi tańda bizde qoǵamdyq kólik tolyǵymen naryqtyq ekonomıkada», dedi Murat Áıtenov.

Murat Áıtenov bas jospardyń qaıta ázirlenbeıtinin atap ótti. Oǵan tek ózgerister engiziledi.

«Qalanyń bas jospary 2012 jyly bekitildi. Ol kezde Shymkent oblys ortalyǵy bolǵan. Qazir qalada mıllıonnan astam adam turady. Bıyl halyqtyń ósý dınamıkasyn eskere otyryp, ózgerister engizilýde. Biz qala turǵyndary óz usynystaryn bere alýy úshin bir aı merzim berdik. Sarapshylardyń pikirinshe, mıllıoner qalaǵa balama kólik túri qajet. Qazir LRT jáne BRT syzbalary daıyndalýda. Aldaǵy ýaqytta bul máseleni Úkimetpen talqylaıtyn bolamyz. Sondaı-aq biz LRT engizý úshin ınvestorlardy tartý múmkindigin qarastyramyz», dedi Shymkent ákimi.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar