Qoǵam • 01 Shilde, 2022

Ortalyq Azııa elderi yntymaqtastyq týraly shartqa qol qoıady

31 ret kórsetildi

Ortalyq Azııa elderi HHI ǵasyrda aımaqty damytý maqsatynda dostyq, tatý kórshilik jáne yntymaqtastyq týraly shartqa qol qoıady, dep habarlaıdy Egemen.kz.

Bul týraly «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferensııa barysynda QR Syrtqy ister mınıstri Muhtar Tileýberdi aıtty.

«Qytaı Azııadaǵy basty seriktesimiz bolyp qala beredi. Biz saýda yntymaqtastyǵy úshin úlken áleýet kórip otyrmyz jáne qazaqstandyq ónimderdiń eksportyn arttyrýǵa múddelimiz. Eýrazııalyq ıntegrasııa men «Beldeý jáne jol» bastamasyn túıindestirý ınfraqurylymdyq ózara baılanysty nyǵaıtýǵa jáne turaqty ósýdi qamtamasyz etýge septigin tıgizedi dep kútemiz», dedi mınıstr.

Onyń atap ótýinshe, Qazaqstan Shanhaı yntymaqtastyq uıymyna múshe memleketter arasyndaǵy ózara is-qımyldyń barlyq salasyndaǵy yntymaqtastyqty tereńdetýge bekinip, 2023-2024 jyldardaǵy tóraǵalyǵy aıasynda tıisti usynystar daıyndap jatyr.

«Syrtqy saıasatymyzdyń eń mańyzdy basymdyǵy - Ortalyq Azııadaǵy óńirlik kooperasııany tereńdetý. Qazaqstan aımaqtyń ekonomıkalyq, kóliktik-logıstıkalyq jáne ınvestısııalyq áleýetin ashý úshin birqatar bastama kóterip otyr. Qazaqstan dıplomatııasy kúsh-jigeriniń arqasynda ózara is-qımyldyń negizgi baǵyttaryn qamtıtyn HHI ǵasyrda Ortalyq Azııany damytý maqsatynda dostyq, tatý kórshilik jáne yntymaqtastyq týraly shartqa qol qoıý týraly kelisimge qol jetkizildi», dedi Muhtar Tileýberdi.

Aıana Toǵanbek

Sońǵy jańalyqtar

Uqsas jańalyqtar