Medısına • 01 Shilde, 2022

Shetel azamattary medısınalyq tekseristen qalaı ótedi

44 ret kórsetildi

Nur-Sultan qalasynyń №1 qalalyq emhanasynda sheteldik azamattarǵa 028-Ý nysanyndaǵy «Sheteldiktiń, kóship-qonýshynyń, eńbekshi kóship-qonýshynyń Qazaqstan Respýblıkasynda turýǵa yqtııarhat nemese azamattyǵyn alý úshin densaýlyq jaǵdaıy týraly qorytyndy» anyqtamasyn alý úshin medısınalyq tekserýden ótýge bolady, dep habarlaıdy Egemen.kz.

Bul anyqtama elimizdiń aýmaǵynda ýaqytsha turýǵa jáne erkin júrip-turýǵa ruqsat alý maqsatynda, sondaı-aq QR azamattyǵyn alýǵa nıet bildirgender úshin resimdeledi.

Elordada sheteldik azamattardyń aǵyny jáne Reseıden kóship-kelý belsendiligi baıqalýda jáne búginde olardyń densaýlyǵy týraly aqparat berýiniń máselesi ózekti bolyp qala bermek. Kóptegen sheteldik azamattar elordaǵa týrıst retinde, al keıbireýleri munda jumys izdep kelýde. Olardyń barlyǵy mindetti medısınalyq tekserýden ótýi qajet.

«Bizdiń emhana sheteldik azamattarǵa medısınalyq kýálandyrý nátıjelerin beretin medısınalyq uıymdar arasynda alǵashqylardyń biri bolyp bekitildi. Medısınalyq kýálandyrý erikti túrde jáne aqyly negizde qamtamasyz etiledi. Azamattardyń maqsattary ártúrli jáne mindetti túrde eńbek qyzmetimen baılanysty bolmaýy múmkin. Bizdiń mekemede pasıentterdi qabyldaý dúısenbiden jumaǵa deıin saǵat 8.00-den 16.00-ge deıin júrgiziledi. Al anyqtamanyń quny 3 700 teńgeni quraıdy. Ádette, basqa medısınalyq uıymdardaǵy shyǵyndar óz qalaýy boıynsha belgilenedi jáne bizdiń qunymyzdan asyp ketýi múmkin», deıdi Nur-Sultan qalalyq №1 qalalyq emhanasynyń aqyly qyzmet kórsetý bóliminiń meńgerýshisi G.E. Týralınova.

Medısınalyq kýálandyrý rásimi kúrdeli tekserý emes jáne maman dárigerlerdiń (terapevt, ftızıatr, dermatovenerolog, psıhıatr-narkolog, ınfeksıonıst dárigeri) tekserýin jáne aınaladaǵylar úshin ınfeksııalyq aýrýlardyń, onyń ishinde AITV ınfeksııasynyń, nashaqorlyq pen týberkýlezdiń qaýiptiligin boldyrmaý úshin belgili bir medısınalyq zertteýlerdi qamtıdy.

Sheteldik tulǵaǵa júginý kezde tólqujat (JSN), kóshi-qon kartasyn nemese jumysqa ruqsat qaǵazyn usyný qajet. Emhananyń tirkeý ornynda pasıenttiń medısınalyq kartasy toltyrylady jáne medısınalyq komıssııadan ótýge medısınalyq blank beriledi. Anyqtama 1 aıǵa jaramdy.

Tolyq aqparat jáne jazylý úshin Nur-Sultan qalasynyń №1 qalalyq emhanasynyń CALL ortalyǵyna habarlasýǵa bolady – (8 7172) 39 99 78.

Sońǵy jańalyqtar

Uqsas jańalyqtar