Álem • 01 Shilde, 2022

Úndistanda sý tasqynynan 14 adam qaza tapty

21 ret kórsetildi

Birneshe apta boıy tolassyz jaýǵan jańbyr saldarynan Úndistannyń soltústik-shyǵysynda kóshkin bolyp, kem degende 14 adam qaza tapty, 30-dan astamy iz-túzsiz joǵaldy, dep habarlaıdy Egemen.kz ABC News-ke silteme jasap.

Tabıǵı apatpen kúres qyzmetkerleri, polısııa jáne jergilikti turǵyndar Manıpýr shtatynyń astanasy Imphalaǵa jaqyn ornalasqan Nonı qalasynda úıindi astynda qalyp qoıǵan zardap shegýshilerge kómek kórsetip jatyr.

Jergilikti bıliktiń málimetinshe, qaza tapqandardyń jeteýi áskerı qyzmetshi bolǵan. Iz-túzsiz joǵalǵandar arasynda Úndistannyń bes temirjol qyzmetkeri bar. Tabıǵı apat bolǵan aýdanda temirjol salynyp jatyr.

Úndistannyń soltústik-shyǵysynda úsh aptadan beri tolassyz jańbyr jaýyp jatyr. Keıbir málimetter boıynsha, 17 mamyrdan beri qatty nóser men kóshkin saldarynan Assam, Manıpýr, Trıpýra jáne Sıkkım shtattarynda barlyǵy 200 adam, Bangladeshte 42 adam qaıtys bolǵan.

Júzdegen myń adam evakýasııalanǵan.

Uqsas jańalyqtar