Úkimet • 01 Shilde, 2022

Otandyq kásipkerler keńesiniń otyrysy jańa formatta ótti

24 ret kórsetildi

QR Premer-Mınıstri Álıhan Smaıylov Memleket basshysynyń tapsyrmasy boıynsha qurylǵan otandyq kásipkerler keńesiniń otyrysyn jańa formatta ótkizdi, dep habarlaıdy Egemen.kz.

Úkimet baspasóz qyzmetiniń málimetinshe, otyrystyń kún tártibine ekonomıka jáne kólik saıasaty máseleleri shyǵarylǵan. Kún tártibindegi birinshi másele boıynsha ulttyq ekonomıka mınıstri Álibek Qýantyrov ekonomıkalyq saıasat jobasyn tanystyrdy. Jańa saıasattyń negizgi mindeti – barlyq ekonomıkalyq agentterdiń áleýetin barynsha ashýǵa, áleýmettik teńdikti qamtamasyz etýge jáne kásipkerlik arqyly naryqqa saı kiristerdi bólýge, adal básekelestikti kótermeleýge jáne qorǵaýǵa baǵyttalǵan damýdyń ashyq jáne erkin modelin qurý.

«Bul qujattyń negizgi maqsaty – azamattarymyzdyń ál-aýqatyn arttyra otyryp, turaqty áleýmettik-ekonomıkalyq damýdy qamtamasyz etý», dedi Álıhan Smaıylov.

Sonymen qatar Premer-Mınıstr bıznes-qoǵamdastyq ókilderin qujatty tolyqtyrý boıynsha óz usynystaryn engizýge shaqyrdy. Kún tártibindegi ekinshi másele boıynsha ındýstrııa jáne ınfraqurylymdyq damý mınıstri Qaıyrbek О́skenbaev baıandama jasady. Ol búgingi tańda temirjol júk tasymaly, avtomobıl jáne teńiz kóligi, sondaı-aq áýe tasymaly boıynsha memlekettiń júıeli damý sharalaryn qabyldap jatqanyn habarlady. Otyrys barysynda «AUDACIA Express» JShS dırektory Baqytbek Qadyrov jáne «DALA» kompanııalar tobynyń negizin qalaýshy Bolatbek Nájimetdenuly sóz sóılep, júk tasymaldaý salasyndaǵy problemalyq máselelerdi kóterdi.

Úkimet basshysy otyrysty qorytyndylaı kele, Ulttyq ekonomıka mınıstrligine ekonomıkalyq saıasat boıynsha ázirlenip jatqan tásilderde bıznestiń barlyq usynystaryn eskerýdi jáne birlesip talqylaýdy tapsyrdy.

Indýstrııa jáne ınfraqurylymdyq damý mınıstrligine negizsiz talaptardy azaıtý jáne osy salanyń básekege qabiletin arttyrý maqsatynda kólik salasyndaǵy barlyq talapty qaıta qaraý, sondaı-aq bıznes-qoǵamdastyqpen birlesip, Qazaqstannyń kólik damý strategııasynyń jobasyn sapaly ázirleýdi qamtamasyz etý tapsyryldy.

 

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar