Aýa raıy • 03 Shilde, 2022

13 óńirde aýa raıyna baılanysty eskertý jarııalandy

22 ret kórsetildi

Qazgıdromet sınoptıkteri 4 shilde kúni birqatar óńirde aýa raıyna baılanysty eskertý jarııalady, dep habarlaıdy Egemen.kz.

Batys Qazaqstan oblysynyń soltústik-batysynda, shyǵysynda naızaǵaı, burshaq, daýyl kútiledi. Jel soltústik-batystan soǵady, kúndiz oblystyń soltústik-batysynda, shyǵysynda jeldiń ekpini 15-20 m/s bolady.

Aqmola oblysynyń ońtústik jartysynda, kúndiz basym bóliginde naızaǵaı kútiledi. Kúndiz oblystyń batysynda, ortalyǵynda burshaq, daýyl, shańdy daýyl boljanady.

Aqtóbe oblysynyń túnde ortalyǵynda, kúndiz shyǵysynda qatty jańbyr kútiledi. Túnde ońtústiginde, kúndiz oblystyń soltústiginde, shyǵysynda naızaǵaı jarqyldaıdy.

Atyraý oblysynda batysynda, soltústiginde, shyǵysynda naızaǵaı kútiledi. Kúndiz oblystyń shyǵysynda, batysynda, soltústiginde jáne ortalyǵynda soltústik-batystan jel soǵady, ekpini 15-20 m/s jetedi.

Nur-Sultan qalasynda tańerteń jáne kúndiz naızaǵaı kútiledi. Shyǵystan, soltústik-shyǵystan jel soǵady, keı ýaqytta ekpini 15-20 m/s jetedi.

Túrkistan oblysynyń taýly aýdandarynda naızaǵaı kútiledi. Tańerteń jáne kúndiz oblystyń soltústiginde, batysynda shańdy daýyl soǵýy múmkin. Shymkentte kúndiz soltústik-batystan, batystan jel soǵady, ekpini 15-20 m/s bolady.

Mańǵystaý oblysynyń batysynda, soltústiginde, ortalyǵynda naızaǵaı, burshaq kútiledi. Oblystyń shyǵysynda shańdy daýyl soǵady.

Qostanaı oblysynyń ońtústiginde, shyǵysynda, soltústiginde naızaǵaı, burshaq, daýyl kútiledi. Soltústik-shyǵystan jel soǵady, túnde oblystyń ońtústiginde, shyǵysynda ekpini 15-20 m/s, kúndiz oblystyń basym bóliginde 15-20 m/s.

Qyzylorda oblysynyń ortalyǵynda shańdy daýyl, tańerteń jáne kúndiz oblystyń soltústiginde, ońtústiginde naızaǵaı, daýyl soǵady. Tótenshe órt qaýpi saqtalady.

Pavlodar oblysynyń batysynda, ońtústiginde naızaǵaı kútiledi. Shyǵystan jel soǵady, kúshi naızaǵaı kezinde 15-20 m/s. Oblystyń ortalyǵynda, batysynda tótenshe órt qaýpi saqtalady. Tótenshe órt qaýpi saqtalady.

Soltústik Qazaqstan oblysynyń basym bóliginde jańbyr kútiledi. Oblystyń soltústiginde, batysynda naızaǵaı jarqyldaıdy.

Jambyl oblysynyń shyǵysynda, taýly aýdandarda qatty jańbyr kútiledi. 4 -5 shildede soltústik-batys, batystan jel soǵady, oblystyń ońtústik-batysynda, soltústik-shyǵysynda, taýly aýdandarda jel 15-20 m/s jyldamdyqpen soǵady.

Sońǵy jańalyqtar

Uqsas jańalyqtar