Boks • 04 Shilde, 2022

Elorda kýbogynyń fınalısteri anyqtaldy

40 ret kórsetildi

Búgin «Elorda kýbogy» halyqaralyq týrnıri máresine jetedi. 4 shildede fınaldyq jekpe-jek ótip, erler arasynda 13 chempıon, qyzdar arasynda 12 chempıon anyqtalady, dep habarlaıdy Egemen.kz.

Týrnır Jaqsylyq Úshkempirov atyndaǵy jekpe-jek saraıynda ótip jatyr.

Qazaqstan boks federasııasynyń málimetinshe, erler arasynda Qazaqstannyń 54 boksshysy synǵa túsken. Sonyń 16-sy fınalǵa joldama aldy. Bul jerlerde sońǵy álem chempıonatynyń fınalısteri - Temirtas Júsipov, Sáken Bıbosynov, Mahmud Sabyrhan. Endi olar «Elorda kýbogynyń» chempıondyq ataǵyn Qytaı, Kýba, О́zbekstan boksshylaryna qarsy aıqasta sarapqa salady.

Bas bapker Shámil Safıýllın jattyqtyrǵan 45 arýdyń 7-ýi bas júldege talaspaq. Bul rette Qazaqstan áıelder boksynan tuńǵysh bolyp Olımpıada júldesin jeńip alǵan Marına 75 kelide fınalǵa shyqty. Endi ol aqtyq aıqasta Qytaı boksshysyna qarsy shyǵady.

Odan bólek, Jaına Shekerbekova men Karına Ibragımova da ústemdigin baıqatyp, fınalǵa shyqty. 

Aıta ketsek, fınaldyq jekpe-jekter búgin, 4 shildede elorda ýaqytymen saǵat 14:00-de bastalady.

Sońǵy jańalyqtar

Uqsas jańalyqtar