«Aldyn ala aqparat boıynsha 149 adam alǵashqy kómek alyp, úılerine jiberildi. Qazirgi ýaqytta aýrýhanalarda 94 adam jatyr. 1-2 shildede demonstrasııa ornynda 516 adam ustaldy. Ustalǵandarǵa qatysty tergeý júrgizilýde, olardyń keıbireýlerine ákimshilik jazalaý sharalary qoldanylyp, qamaýdan bosatyldy. 3-4 shildege qaraǵan túni komendanttyq saǵattyń talaptaryn buzǵany úshin kóshede maqsatsyz júrgen 110 adam ustaldy. Aıyppul turaǵyna 12 avtokólik quraly ornalastyryldy», dedi О́zbekstan Ulttyq ulany baspasóz qyzmetiniń jetekshisi Davron Jumanazarov.
Sondaı-aq ol Ulttyq ulannyń jaralanǵan qyzmetkerleri týraly aıtty.
«Qaraqalpaqstannyń bir jaýyngeriniń keýdesine oq tıgen. Ekinshisiniń aıaǵy synǵan. Djızak pen Tashkentten kelgen bir qyzmetker basynan ashyq jaraqat aldy», dedi D.Jumanazarov.
Aıta ketsek, 1 shildede Qaraqalpaqstan azamattary Núkis qalasynda zańsyz demonstrasııa uıymdastyrdy. Azamattar Konstıtýsııaǵa túzetýler jobasyna baılanysty mıtıngke shyqty. Dálirek aıtqanda, olar Qaraqalpaqstannyń О́zbekstannan shyǵý quqyǵy jónindegi tarmaqty alyp tastaý sheshimine qarsy bolǵan.
Keıinnen Shavkat Mırzıeev Qaraqalpaqstannyń quqyqtyq mártebesi týraly normalar ózgerissiz qalýy úshin Olıı Majlıstiń zań shyǵarýshy palatasyna júgindi. Sondaı-aq О́zbekstan Prezıdenti Qaraqalpaqstanda bir aıǵa tótenshe jaǵdaı engizý týraly jarlyq shyǵarǵany habarlandy.
4 shildede barlyq azyq-túlik dúkenderi, bazarlar, nan kásiporyndary, bırjalar, bankter, uıymdar, aýrýhanalar jáne basqa da áleýmettik nysandar jumysyn tolyǵymen qalpyna keltirdi.
