Qazgıdromet sınoptıkteriniń málimetinshe, Almaty men Qonaev qalalarynda kúndiz naızaǵaı oınaıdy.
Erteń Qyzylorda oblysynda jel soltústik-batystan soǵady, oblystyń ortalyǵynda, soltústiginde kúshi 15-20 m/s saqtalady. Oblystyń basym bóliginde tótenshe órt qaýpi saqtalady.
«7 shildede Aqmola oblysynyń ońtústiginde, shyǵysynda qatty jańbyr jaýady, naızaǵaı, burshaq kútiledi. Túnde jáne tańerteń oblystyń soltústiginde tuman kútiledi. Soltústik-shyǵystan jel soǵady, oblystyń batysynda, ońtústiginde, shyǵysynda ekpini 15-20 m/s jetedi.
Kúndiz Aqtóbe oblysynyń ońtústik-batysynda, ortalyǵynda soltústikten, soltústik-batystan jel soǵady, ekpini - 15 m/s.
Erteń kúndiz Túrkistan oblysynyń soltústiginde, taýlarynda naızaǵaı oınap, daýyl soǵady. Oblystyń soltústiginde shańdy daýyl kútiledi. Batystan jel soǵady, oblystyń soltústiginde kúshi - 15-20, kúndiz taýly aýdandarda ekpini - 23 m/s», delingen Qazgıdromet habarynda.
Qostanaı oblysynyń ońtústik-shyǵysynda, soltústiginde naızaǵaı, burshaq kútiledi. Soltústikten, soltústik-shyǵystan jel soǵady, oblystyń ońtústik-shyǵysynda - 15-20 m/s.
7 shildede kúndiz Pavlodar oblysynyń soltústiginde, batysynda, shyǵysynda naızaǵaı, burshaq kútiledi. Shyǵystan jel soǵady, kúshi naızaǵaı kezinde - 18 m/s.
Soltústik Qazaqstan oblysynyń soltústik-batysynda, ońtústiginde naızaǵaı kútiledi. Túnde jáne tańerteń oblystyń soltústiginde, shyǵysynda, ońtústiginde tuman túsedi.
