Parlament • 07 Shilde, 2022

EQYU Bas hatshysy Qazaqstanǵa keledi

41 ret kórsetildi

Senatorlar Asqar Shákirov, Ǵumar Dúısembaev, Dúısenǵazy Mýsın, Májilis depýtattary Aıgúl Quspan jáne Aıdos Sarym 2-6 shildede Bırmıngem qalasynda (Ulybrıtanııa) ótken EQYU Parlamenttik Assambleıasynyń jazǵy sessııasyna qatysty, dep habarlaıdy Egemen.kz.

Onda qazirgi halyqaralyq jaǵdaı men qazirgi zamanǵy syn-qaterler turǵysynda parlamentaralyq ózara is-qımyldyń ózekti máseleleri talqylandy.

Qazaqstandyq parlamentshiler Saıası máseleler jáne qaýipsizdik; Ekonomıka, ǵylym, tehnologııalar jáne qorshaǵan orta; Demokratııa, adam quqyqtary jáne gýmanıtarlyq máseleler jónindegi jalpy úsh komıtettegi sessııaǵa qatysýshylardy Qazaqstandaǵy qazirgi zamanǵy halyqaralyq kún tártibin júzege asyrý, onyń ishinde qoǵamdy jan-jaqty demokratııalandyrý, jasyl ekonomıkany damytý jáne eldiń kómirteginen beıtarap bolýyna qol jetkizýi salasynda qabyldanyp jatqan sharalardy tanystyrdy. Aral teńiziniń problemasy da halyqaralyq qoǵamdastyqtyń nazaryna usynyldy.

Budan buryn habarlanǵandaı, sessııa aıasynda «Qubylmaly álem jáne qazirgi zamanǵy syn-qaterler jaǵdaıynda Jańa Qazaqstandy qurý» saıd-ıventi ótti. Qazaqstandyq delegasııa shara barysynda Prezıdent Qasym-Jomart Toqaevtyń bastamasymen qolǵa alynǵan Ekinshi Respýblıkany qurý maqsatyndaǵy saıası jáne áleýmettik-ekonomıkalyq reformalardyń aýqymdy baǵdarlamasyn EQYU parlamentshilerine tanystyrdy.

Sessııa aıasynda Parlamenttik Assambleıa Tóraǵasynyń orynbasary, Ornyqty damý maqsattary jónindegi Arnaýly ókili Asqar Shákirov daıyndaǵan «BUU-nyń EQYU aımaǵynda ornyqty damý salasyndaǵy maqsattaryn júzege asyrý» qarary qabyldandy. «Bırmıngem deklarasııasy» sessııasynyń qorytyndy qujatyna engen bul is-qımyl baǵdarlamasynda EQYU-ǵa qatysýshy memleketterdiń parlamentterine ODM-dy memleketterdiń qyzmetine kiriktirý, ulttyq damý josparlaryn jasaýda olardyń tıimdiligi men syndarly bolýyn arttyrý jáne oryndalýyn baqylaýǵa baǵyttalǵan kúsh-jigerge qarqyn berýge shaqyrý qamtylǵan.

Ulybrıtanııa, AQSh, Túrkııa, Polsha, Aýstrııa, Ázerbaıjannyń parlamenttik delegasııalarymen ekijaqty kelissózder júrgizilip, onda parlamentaralyq ózara is-qımyldy ulǵaıtý jáne ony is júzindegi mazmunmen tolyqtyrý týraly ýaǵdalastyqtarǵa qol jetkizildi.

О́tken kezdesýler sheteldik áriptesterdiń Qazaqstanda bolǵan oqıǵalarǵa erekshe nazar aýdaryp otyrǵanyn jáne Qazaqstannyń Memleket basshysy júrgizip jatqan jan-jaqty reformalardy qoldaıtynyn kórsetip otyr.

Qazaqstan men EQYU arasyndaǵy dıalogty odan ári damytý turǵysynda osy uıymnyń Bas hatshysy Helga Marııa Shmıd Qazaqstanǵa kelý nıeti týraly habarlady.

Sessııaǵa qatysýshylar álemdik saıasatta parlamentterdiń róli ósip kele jatqany, parlamentaralyq yntymaqtastyqty damytý jáne nyǵaıtý qajettigi týraly ortaq pikir bildirdi.

Sessııa sońynda EQYU Parlamenttik Assambleıasy Tóraǵasynyń saılaýy boldy, onyń qorytyndysy boıynsha Margaret Sederfelt bir jyl merzimge qaıta saılandy.

Uqsas jańalyqtar