Prezıdent • 07 Shilde, 2022

Prezıdent: «Qazaqstan temir joly» ulttyq kompanııasyn tolyqtaı jańǵyrtý qajet

1586 ret kórsetildi

Qasym-Jomart Toqaev kólik-logıstıka salasynyń Qazaqstan ekonomıkasynda erekshe ról atqaratynyn atap ótti, dep habarlaıdy Egemen.kz.

Onyń aıtýynsha, óńirlerdiń ózara qarym-qatynasyn jandandyrý úshin bul salanyń mańyzy zor. Degenmen, geosaıası jaǵdaı men sanksııalyq teketires dástúrli kólik-logıstıka jelisin ózgeriske ushyratty.

Prezıdenttiń pikirinshe, otandyq ónimniń eksportqa qaýipsiz ári úzdiksiz shyǵarylýyn qamtamasyz etý úshin keshendi sharalar qabyldaý qajet. Memleket basshysy elimizdiń Ortalyq Azııa aımaǵyndaǵy kóshbasshylyǵyn saqtap, Qazaqstandy senimdi tranzıttik hab retinde damytý kerek ekenin aıtty. Osy maqsatta balama temirjol baǵyttaryn qalyptastyrý qajet. Bul jerde Dostyq – Moıynty, Baqty – Aıagóz, Maqtaaral – Darbaza jobalaryn júzege asyrý, Almaty qalasyn aınalyp ótetin temirjol jelisin salý jóninde sóz bolyp otyr.ch

Qasym-Jomart Toqaev temirjol parkiniń jumysyn jandandyrý jáne joldarǵa kúrdeli jóndeý júrgizý jóninde sharalar qabyldaýdy tapsyrdy.

«Otandyq temirjol salasynda mashına jasaý isin damytýǵa basa mán berý qajet. Onyń alǵysharttary bar. Qazaqstandyq óndirýshilerdi belsendi túrde qoldaý kerek», dedi Memleket basshysy.

Qasym-Jomart Toqaev «Qazaqstan temir joly» ulttyq kompanııasyn tolyqtaı jańǵyrtý qajet dep esepteıdi.

«Qazaqstan temirjolyn ulttyq kólik-logıstıka kompanııasy retinde transformasııalaıtyn ýaqyt keldi dep oılaımyn. Bul QTJ-nyń mandaty men mindetterin keńeıtýge, kompanııaǵa elimizdiń kólik-tranzıt áleýetin damytý jumystaryn keshendi túrde júrgizýge múmkindik beredi», dedi Prezıdent.

Prezıdent teńiz arqyly tasymaldaý isin damytýǵa erekshe nazar aýdardy.

«Qazaqstan teńiz arqyly tasymaldaý áleýetin tolyq paıdalanǵan emes. Qazir zaman basqa. Úkimetke porttarymyzdy Kaspıı teńiziniń jetekshi habtarynyń birine aınaldyra otyryp, transformasııalaý jóninde strategııalyq mindet júktedim. Teńiz flotyn nyǵaıtyp, Aqtaý portynda konteınerlik hab qurý qajet degen usynyspen tolyq kelisemin», dedi Memleket basshysy.

Qasym-Jomart Toqaev munaı tasymaldaý isin ártaraptandyrýdy taǵy bir mańyzdy mindet retinde atap ótti.

«Transkaspıı baǵdary basym baǵyt sanalady. «QazMunaıGazǵa» ony júzege asyrýdyń ońtaıly nusqasyn, sonyń ishinde Teńiz jobasynyń ınvestorlaryn tartý múmkindigin pysyqtaýdy tapsyramyn. Úkimet «Samuryq-Qazynamen» birlesip, Atyraý – Keńqııaq jáne Keńqııaq – Qumkól munaı qubyrlarynyń qýatyn arttyrý jóninde sharalar qabyldaýy qajet», dedi Prezıdent.

Avtojol ınfraqurylymyn damytý máselesi de mańyzdy salalardyń biri. Memleket basshysynyń aıtýynsha, eń aldymen, qurylysy bastalǵan magıstraldy baǵyttardaǵy (Aqtóbe – Qandyaǵash – Maqat, Atyraý – Astrahan, Almaty – Qaraǵandy jáne Taldyqorǵan – О́skemen) qaıta jańartý jumystaryn ýaqytyly ári sapaly aıaqtaý qajet.

Budan bólek Úkimetke jyl sońyna deıin kedendik rásimdeý úderisin jáne shekaralyq baqylaýdy tolyq avtomattandyrý tapsyryldy.

 

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar