Arnaıy mal soıý pýnktteri Reznık, 18 («Abısheva A. O.» JK), Gogol, 2/23 («ARAI KZ» JShS) jáne S. Seıfýllın, 53 («Hasenov» ShQ) mekenjaılarynda jabdyqtalǵan. Olar veterınarlyq qyzmettiń veterınarııalyq-sanıtarııalyq qorytyndysyn alǵan. Halyqtyń sanıtarlyq-epıdemıologııalyq salaýattylyǵy jáne tamaqtan ýlanýdyń, toksıkoınfeksııalardyń, jiti ishek ınfeksııalarynyń paıda bolýyna jol bermeý úshin Qurban aıt merekesi kezinde oblystyń bas sanıtar dárigeriniń jańa qaýlysy shyǵaryldy.
О́ńirde qurbandyq shalý pýnktterinde sanıtarlyq normalardyń, et tasymaldaý jáne saqtaý jónindegi sanıtarlyq-epıdemıologııalyq qaǵıdalar talaptarynyń saqtalýyna baqylaý kúsheıtiletin bolady.
Ettiń sapasyn, qaýipsizdigin rastaıtyn qujattardyń, sondaı-aq tamaq ónimderimen baılanysy bar, medısınalyq tekserýden ótken jáne jumysqa ruqsaty bar qyzmetkerlerdiń, qyzmet kórsetýshi personaldyń jáne basqa da adamdardyń jeke medısınalyq kitapshalarynyń bolýy tekseriledi.
Qaýly osy jyldyń 8 shildesinen bastap kúshine enedi.
