Aımaqtar • 07 Shilde, 2022

Almaty aglomerasııasyn damytýdyń keshendi jospary ázirlendi

17 ret kórsetildi

Ortalyq kommýnıkasııalar qyzmetinde ótken brıfıngte Erbolat Dosaev Memleket basshysynyń megapolıske qatysty tapsyrmalary oryndalyp jatqanyn aıtty, dep habarlaıdy Egemen.kz.

Ákimniń aıtýynsha, qala ekonomıkasynyń turaqty ósýi qamtamasyz etildi. Osy jyldyń 5 aıynyń qorytyndysy boıynsha qysqa merzimdi ekonomıkalyq ındıkator 107,6%-ǵa deıin ósti.

«Osy jyldyń basynan beri 16,3 myń jumys orny quryldy. 3,3 myń oryndyq 54 balabaqsha ashyldy, 45 shaqyrym ınjenerlik jeli salyndy. Gazben júretin 300 avtobýs satyp alyndy, 145 myń aǵash otyrǵyzyldy», dedi ol.

Sonymen qatar ákim qyrkúıek aıyna deıin Almaty aglomerasııasyn damytýdyń keshendi jospary ázirlengenin jetkizdi. Atalǵan josparda megapolıs pen Almaty oblysy sınergııasynyń jobalary aıqyndalady.

«Joǵary ınvestısııalyq belsendilik baıqalady, jyl basynan beri negizgi kapıtalǵa salynatyn ınvestısııalar 20,9%-ǵa ósti. Qala ekonomıkasynyń negizgi salasy – saýda jyl basynan beri alǵash ret 1,7%-ǵa ósip, «oń aımaqqa» shyqty. Osy jyldyń 5 aıynda Almatydaǵy iskerlik belsendilik ındeksi 4 paıyzdyq tarmaqqa ósip, mamyr aıynyń sońynda 48,7%-dy qurady. Birinshi jarty jyldyqtyń qorytyndysy boıynsha 50%-dan astam deńgeımen oń aımaqqa shyǵý kútiledi», dep túıindedi ol.

Uqsas jańalyqtar