Jıynda QR Ulttyq ekonomıka mınıstri Álibek Qýantyrov qoǵamdyq tamaqtaný, saýda, qonaq úı qyzmetteri, kólik jáne aýyl sharýashylyǵy salalaryndaǵy retteýshi aktilerge júrgizilgen taldaýdyń bazalyq sharttarǵa sáıkes kelmeıtin basy artyq jáne birin-biri qaıtalaıtyn birqatar talapty anyqtaǵanyn habarlady.
Aldaǵy aılarda taǵy 6 baǵyt boıynsha, aqparat jáne baılanys, kompıýterlik baǵdarlamalaý salasy, jyljymaıtyn múlikpen jasalatyn operasııalar, jınaqtaý, taý-ken ónerkásibi jáne qubyr kóliginiń qyzmetine taldaý júrgizý josparlanýda.
Premer-Mınıstrdiń aıtýynsha, qazirgi ýaqytta bızneske kóptegen formaldy talaptar qoıylǵan. Olardy tıisti baqylaýdy qamtamasyz etýge zııan keltirmeıtindeı etip alyp tastaýǵa bolady.
Úkimet basshysy mundaı talaptardyń bolýy eldegi iskerlik ahýalǵa keri áser etetinin, sondyqtan ortalyq memlekettik organdardyń «Atameken» UKP-men birlesip, retteýshi aktileri qysqartý boıynsha jumys júrgizýi tıis ekenin qadap aıtty.
«Memleket basshysy bizdiń aldymyzǵa bızneske kóbirek erkindik berý mindetin qoıdy. Bul – jańa ekonomıkalyq saıasatty qalyptastyrý aıasyndaǵy Úkimet jumysynyń basty baǵyttarynyń biri. Tekserýshi organdardyń formaldy belgilerine qarap bıznesti jaýapkershilikke tartýǵa múmkindigi bolmaýy tıis», dedi Premer-Mınıstr óz sózinde.
Osyǵan baılanysty Úkimet basshysy tıisti organdarǵa qaıta qaraý jáne qysqartý arqyly qazaqstandyq normatıvtik-quqyqtyq bazany basy artyq talaptardan tazartý jónindegi jumysty jandandyrýdy tapsyrdy.
Sondaı-aq Álıhan Smaıylov Sıfrlyq damý, ınnovasııalar jáne aeroǵarysh ónerkásibi mınıstrliginiń memlekettik baqylaý men qadaǵalaýdy qamtamasyz etý kezinde táýekelderdi basqarýdyń avtomattandyrylǵan júıesin qurý boıynsha tásilderin maquldady.
«Tekserýshi vedomstvolar buzýshylyqtardyń qaýpi joǵary bolǵan kezde áreket etýi tıis. Bızneske ákimshilik júktemeni azaıtý jáne táýekelderdi basqarý júıesin iske qosý – júrgizilip jatqan reformadaǵy negizgi qadamdar. Ortalyq memlekettik organdardyń basshylaryna osy jumystyń nátıjeleri úshin jeke jaýapkershilik týraly taǵy da eskertemin», dedi Premer-Mınıstr.
