Nemis jazýshysynyń qazaqshaǵa aýdarylǵan kitabynyń tusaýkeseri boldy

ASTANA. 29 sáýir. Búgin saǵat 15:00-de Ulttyq akademııalyq kitaphanada nemis qalamgeri Eleonora Hýmmeldiń «Berlın balyqtary» romanynyń qazaq tiline aýdarylǵan nusqasyn oqyrmanǵa tanystyrý maqsatynda arnaıy tusaýkeser rásimi ótedi. Bul týraly egemen.kz tilshisi habarlady. Kitapta elimizge kóshirilip ákelingen nemisterdiń soǵystan keıingi tirshiligi baıandalǵan. Tusaýkeserdi tanymal jazýshy Mereke Qulkenov júrgizedi. Eleonora Hýmmel 1970 jyly Selınograd qalasynda (qazirgi Astana) týǵan. Ol 10 jasynda otbasymen birge tarıhı otanyna qonys aýdarǵan. Romannyń avtory jazýshylyqpen jastaı shuǵyldanady. 1995 jyldan beri túrli ádebı jýrnaldarda shyǵarmalary jarııalanyp keledi. 2006 jyly Shteıdl/Gıottıngen baspasynan jaryq kórgen osy eńbegi úshin ol «Roberta Bosh» qorynyń Adelberto fon Shamısso atyndaǵy yntalandyrý syılyǵyn ıelengen. Al «Berlın balyqtaryn» qazaq tiline aýdarmashy, jýrnalıst Raýza Musabaeva tárjimálady. Romannyń ana tilimizdegi nusqasy «Merekeniń baspalar úıi» baspasynan jaryq kórdi. Joldybaı Bazar. Derekkóz: egemen.kz. Foto: Facebook.com.