Jaz bastalǵaly TJD mamandary sý aıdyndarynda 2667 reıd jáne patrýldeý júrgizdi. Qaýipsizdik týraly nusqama uıymdastyryp, demalýshylarǵa jadynamalar taratty. Jergilikti atqarýshy organdarmen birge qaýipti ýchaskelerdi kórsete otyryp, 314 tyıym salý belgilerin ornatty. Biraq azamattardyń sýǵa batyp ketý jaǵdaıy jıilep barady. Eskertýdi elemeıdi, nemquraıdy qaraıdy. Maýsym bastalǵaly 15 adam batyp ketse, qutqarýshylar, polıseıler, demalýshylar 11 azamatqa der kezinde kómek kórsetken.
– Usynystarymyz ben tyıym salý belgilerine qaramastan, azamattar júz paıyz qaýip bar jerde júzgileri keledi. Iаǵnı, aǵyny qatty jerler men sý túbi tekserilmegen aýmaqtarǵa qumar. Sonymen qatar ol mańda qutqarýshylar da joq. Durysy, arnaıy jasaqtalǵan oryndarda sýǵa tússe eken, – deıdi ShQO TJD bastyǵynyń orynbasary Arman Toqanov.
Sondaı-aq polısııanyń qatysýymen jyl basynan beri 440-bap, ıaǵnı «alkogoldik ishimdikter ishý nemese qoǵamdyq oryndarǵa masań kúıde kelý» boıynsha 479 azamat ákimshilik jaýapkershilikke tartyldy. 364-bap «qoǵamdyq sýdy paıdalaný erejelerin buzý» boıynsha 205 demalýshy aıyppul arqalaǵan.
TJD qutqarýshylary azamattardy qyraǵylyq tanytýǵa jáne demalý úshin tek shomylýǵa ruqsat etilgen oryndy tańdaýǵa shaqyrady. Al sý kólikterin basqarý kezinde keme ıelerine mindetti túrde qutqarý keýdeshelerin kııýdi, jyldamdyq rejimin, manevr jasaý erejelerin ustanýdy jáne mas kúıinde kemeni basqarýǵa qatań tyıym salynǵanyn este saqtaý qajet.
Shyǵys Qazaqstan oblysy
