Bul oıynda qonaqtardyń mereıi ústem boldy. 34 mınýtta fransııalyq legıoner Ýgo Vıdemon esep ashsa, 78 mınýtta Serder Serderov ekinshi goldy soqty. Esep – 2:0. Qaraǵandyda «Shahter» «Aqsýdy» qabyldady. 9 mınýtta Toqtar Jańǵylyshbaı mergendik tanytsa, 23 mınýtta Edın Rýstemovıch «qyzyl qaǵaz» aldy. Soǵan qaramastan úziliske deıin qaraǵandylyqtar taǵy eki ret dopty torda týlatty. Onyń avtorlary – Roman Murtazaev pen Ivan Graf. Ekinshi kezeńde «Aqsýdyń» oıynshylary Aslanbek Kákimov pen Erkebulan Tuńǵyshbaev esep aıyrmashylyǵyn qysqartty. Desek te 90 mınýtta Roher Kanıas 11 metrlik núkteden qaqpany dál kózdep, kezdesýdiń sońǵy núktesin qoıdy. Esep – 4:2.
Túrkistandaǵy jeńisinen keıin «Aqtóbe» jarys kestesinde jeke-dara kósh bastady. Olardyń qorjynynda 29 upaı bar. Ekinshi orynǵa syrǵyp túsken «Astananyń» basty qarsylasynan eki upaıy kem. Úshinshi orynda – «Ordabasy». Shymkenttiń komandasy 26 upaıdy enshileýde.
