Keshenniń aýmaǵy – 9 myń sharshy metr. Munda oıyn alańynan bólek 30 oryndyq jataqhana jáne ońaltý zaly bolady. Jobaǵa 2 mlrd 600 mln teńge baǵyttalyp otyr. Qurylysqa qajetti negizgi materıaldar shetelden tasymaldanady. Fýtbol alańynyń tóbesinde jabyndy bolady. Sáıkesinshe jasóspirimder akademııada qysy-jazy jattyǵa alady. Sport keshenin keler jyldyń mamyr aıynda tapsyrý josparlanǵan. Dese de, ákimdik ókilderi qurylystyń merziminen buryn aıaqtalýy múmkin ekenin aıtady.
«Fýtbol Aqtóbe qalasynda óte jaqsy damyp kele jatyr jáne jankúıerlerimiz de óte kóp. Soǵan baılanysty osy ǵımaratty salý boıynsha jumystar júrgizilip jatyr. Bul 7 jastan 17 jasqa deıingi daryndy balalarǵa arnalǵan. Eger kedendik rásimderden barlyǵy jaqsy bolatyn bolsa, osy jyldyń aıaǵyna deıin tapsyrýdy josparlap otyrmyz», dedi qalalyq qurylys bólimi basshysynyń orynbasary Aslan Jarasbaev.
