Oblys ákimi Andreı Karandashovqa «Oblys aldynda sińirgen eńbegi úshin» tós belgisi men úsh bólmeli úıdiń kiltin syılap, erligi úshin alǵys aıtty.
«Bul shyn máninde erlik emes, biz úshin baǵa jetpes jáne siz qutqarǵan balalar úshin asa mańyzdy naǵyz qaharmandyq áreket. Men óńirimizde siz sııaqty azamattar bolǵany úshin maqtanamyn. Ata-anańyzǵa ózińizdeı elimizdiń adal azamatyn tárbıelegeni úshin kóp rahmet. Sizge óńir turǵyndarynyń atynan alǵys aıtamyn», dedi Ábilqaıyr Sqaqov.
Andreı Karandashov Aqtoǵaı aýdanyndaǵy Prırechensk aýylynyń týmasy. Otbasynda eki bala tárbıelep otyrǵan áke. Qazirgi kezde «Aqtoǵaı-Agro» JShS-de jumys isteıdi. Osy ýaqytqa deıin onyń otbasy jaldamaly úıde turǵan edi.
Buǵan deıin otyz úsh jastaǵy aýyl turǵynyn Pavlodar oblysynyń tótenshe jaǵdaılar departamentinde jáne Aqtoǵaı aýdanynyń ákimdiginde marapattaǵan.
Eske sala keteıik, tótenshe jaǵdaı 2022 jyldyń 15 shildesi kúni Aqtoǵaı aýdanynyń Prırechensk aýylynda bolǵan. Bir otbasynyń jeti jasar egiz uly men olardyń toǵyz jasar aǵasy Ertiske batyp kete jazdady. Aýyldastarynyń jedel áreketiniń arqasynda balalardyń úsheýi de aman qaldy. Ol balalarǵa oqıǵa ornynda alǵashqy medısınalyq kómek kórsetken.
