Qazaqstan • 19 Shilde, 2022

Qańtar oqıǵasy: 500-den astam adam sottaldy

74 ret kórsetildi

Bas Prokýratýra men Ishki ister mınıstrligi «Qańtar oqıǵasynyń» kezekti tergeý barysy týraly málimdedi. Búginde tergeý, tekserý nátıjesinde 5 myńnan astam túrli deńgeıdegi sotqa deıingi is tirkelgen.

Jappaı tártipsizdik, atap aıtqanda, qıratý, memlekettik obektilerdi órtteý, múlikterdi joıý jáne terrorızm aktileri Almaty, Shymkent qalalarynda, Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda oryn aldy. Narazylar áskerılerge shabýyl jasap, joldyń júrý bóligin jaýyp, avtokólikterdi órtep, azamattardy tár­tip­sizdikterge qatysýǵa kóndirgen jáne nysandardy tonaǵan.

«Qoǵamdyq qaýipsizdik pen quqyqtyq tártipti qamtamasyz etýdi buǵattaý úshin olar polısııa organdarynyń ǵımarattary­na shabýyldar jasady. Búgingi kúni arnaıy prokýrorlardyń is júrgizýinde jappaı tártipsizdikter boıynsha – 53, terrorızm aktilerine qatysty 32 qylmystyq is bar. Tergeý áreketteriniń aıaqtalýyna qaraı ister sotqa joldanady. Almaty qalasynda arnaıy prokýrorlar 3 azamatqa qatys­ty sotqa deıingi tergep-tekserý aıaqtaldy. Olar jappaı tártipsizdikterge qatysqany, memlekettik organdardyń ǵımarattaryna shabýyl jasaǵany jáne bılik ókilderine kúsh qoldanǵany úshin kúdikti dep tanylǵan. Qańtardyń 4-nen 5-ne qaraǵan túni olar Almaty qalasynyń ortalyq alańynda bolyp, basqa adamdarmen toptasa polısııa­nyń 42 qyzmettik avtokóligin qıratty. Qol­jetimdi quraldarmen qarýlanyp, quqyq qor­ǵaý qyzmetkerlerine zorlyq-zombylyq jasady. Sodan keıin ákimdik ǵımaratyna shabýyl jasaýǵa jáne órteýge belsendi túr­de qatysty. Olardyń osy qylmystarǵa qaty­syn beınekamera jazbalar, kýálardyń jaýaptary jáne saraptamalyq zertteýler rastady. Qylmystyq is aıyptaý aktisi retinde qaraý úshin sotqa joldandy», dedi Bas Prokýratýranyń Qylmystyq qýdalaý qyzmeti bastyǵynyń orynbasary Eldos Qılymjanov. 

Sondaı-aq prokýrorlar búginge deıin 8 óńirde 30 myńnan astam tergeý áreketin júrgizgen. Nátıjesinde, 4 myńnan astam sot saraptamalary taǵaıyndaldy.

«Qazirgi ýaqytta 349 kúdikti adam qa­maýda otyr. Olardyń qıratýlarǵa, ǵıma­rattardy órteýge, qarýlardy jymqyrý­ǵa, memlekettik obektilerge jáne quqyq qorǵaý organdary qyzmetkerlerine qa­rýly shabýyl jasaýǵa belsendi túrde qa­tysqany anyqtaldy. Árbir qamaýǵa alyn­ǵan adamnyń qylmysqa qaty­sy týraly jet­kilikti málimet bar. Qańtar oqıǵalary boıynsha sotqa 479 qylmystyq is joldanyp, soǵan sáıkes 545 adam sottaldy. Naqty bas bostandyǵynan aıyrý jazasyn bılik ókilderine qatysty kúsh qoldanǵan, múlikterdi zaqymdaýǵa baılanysty aýyr qylmys jasaǵandar, sondaı-aq zalaldy ótemegen jáne ótelmegen sottylyǵy bar 83 sottalýshy aldy», dedi E.Qılymjanov.

Sonymen qatar Aqtóbe oblysynda 3 kúdiktige qatysty aıyptaý úkimi shyǵa­­ryl­ǵan. Anyqtalǵan mán-jaılar­ǵa sáıkes, 5 qań­­tar olar buǵattaý jáne qyzmetti toqtatý arqyly Aqtóbe qala­synyń halyqara­lyq áýeja­ıyn basyp alǵan. Nátıjesinde, stra­tegııa­lyq obek­tiniń jumysy 2 táýlik­ten astam merzimge toqtatylyp, ishki jáne halyq­aralyq reıs­ter keshiktirilip, aıtar­lyqtaı zalal kel­tirilgen. Kúdiktilerge túrli jaza taǵa­ıyndalyp, sottaldy.

«Almaty oblysynda prosestik kelisim boıynsha Taldyqorǵan qalasyndaǵy jap­paı narazylyqtyń 5 belsendi qatysýshysy shartty jaza aldy. Buǵan deıin habarlanǵan­daı, sol kúnderi jappaı tártipsizdik­terge Qazaqstanda tyıym salynǵan «DVK/Kóshe» ekstremıstik uıymynyń jaqtaýshylary belsendi qatysty. Shymkent qalasynda sot úkimimen osy uıymnyń 3 múshesi 3 jylǵa bas bostandyǵynan aıyryldy. Olar jappaı tártipsizdikke qatysýǵa shaqyrýmen shektelmeı, qıratýǵa, memlekettik múlik­ke zaqym keltirýge aralasyp, qalalyq ákim­dik ǵımaratyna shabýyl jasady. Sot aktisi zańdy kúshine engen joq», dedi Bas Prokýratýra ókili.

Al Ishki ister mınıstrligi «Qańtar oqıǵasyna» qatysty 381 qylmystyq is bo­ıynsha 10 adam qamaýda otyrǵanyn má­limdedi. Aıyptaý aktisimen 589 kúdiktige qatysty 359 is sotqa joldanǵan. Olardyń kópshiligi jappaı tártipsizdik barysynda urlyq jasaǵany, qarý urlaǵany jáne zańsyz saqtaǵany, kólik quraldaryn zańsyz aıdap ketkeni, tonaý jáne buzaqylyq jasaǵany úshin jaýapkershilikke tartylǵan.

«Sotta qaraý nátıjeleri boıynsha 460 adamǵa qatysty úkim shyqty. Sonyń ishin­de 371 adam bas bostandyǵynan aıyryl­dy. 4 adam qoǵamdyq jumystarǵa tartyl­dy, 5 adamǵa aıyppul salyndy, aýyr jáne asa aýyr qylmys jasaǵany úshin ­80 adam bas bostandyǵynan aıyryldy. Odan basqa, keltirilgen shyǵyndy óte­ýine jáne taraptardyń tatýlasýy­na baılanys­ty 13 adam qylmystyq jaýapkershilik­ten bosady. Qazirgi tańda sottardyń óndi­risinde 116 sottalýshyǵa qatysty 55 qyl­mystyq is qaralyp jatyr», dedi Ishki ister mınıstrligi Tergeý departamenti basty­ǵynyń orynbasary Muhtar Qojaev.

Sonymen qatar tártip saqshylary oqı­ǵa kezinde 343 mln teńgeden astam somany quraıtyn múlikti tárkilegen. «Jappaı tár­tipsizdikterden jábirlenýshi bolyp tanyl­ǵan azamattarǵa kelgen shyǵyndy óndirý aıasynda azamattar men bıznes sýbektilerinen urlanǵan 343 mln teńgeden astam somanyń múlki tabylyp, alyndy. Onyń ishinde 12 avtokólik, 317 turmystyq tehnıka, 189 zergerlik buıym, 386 uıaly telefon, 550-ge jýyq túrli kıim-keshek, 16 mln teńgeden astam aqshalaı qarajat jáne taǵy basqalary bar. Ishki ister organdary jappaı tártipsizdikter barysynda urlanǵan qarýdy izdep taýyp, tárkileý bo­ıynsha belsendi jumysty jalǵastyrady», dedi IIM-niń ókili.

Sońǵy jańalyqtar

Kóshpeli qoǵamnyń keremeti

Pikir • Búgin, 23:57

Jer silkinisi: saqtyq pen sabaq

Tótenshe jaǵdaı • Búgin, 23:55

Ǵylym damysa, básekelestik artady

Ǵylym • Búgin, 23:49

Zııatkerlerdiń shetelde kezdesýi

Bilim • Búgin, 23:36

Talqy

Ádebıet • Búgin, 23:23

Shamǵon tasada qalar tulǵa emes

Ádebıet • Búgin, 23:17

Kókirekte kúmbirlegen dúnıe kóp

Ádebıet • Búgin, 23:12

Qar ústindegi qarsaq

Aımaqtar • Búgin, 23:08

Álkeıdiń kúndeligi

Tarıh • Búgin, 23:07

Jyl úzdikteri anyqtaldy

Sport • Búgin, 23:02

«Hat qorjyn»

Qoǵam • Búgin, 22:58

Qarǵyn sýdan qaýip bar

Tótenshe jaǵdaı • Búgin, 22:54

Sháken Aımanovtyń áıgili bórki

Jádiger • Búgin, 22:53

Jańa avtobýstarmen tolyqty

Mektep • Búgin, 22:45

Oqýshylar tapqan olja

Jádiger • Búgin, 22:39

Irikteýdegi qarsylastary anyqtaldy

Fýtbol • Búgin, 22:35

Jalpy esepte úzdik shyqty

Sport • Búgin, 21:05

Uqsas jańalyqtar