"Jastar jalyny" festıvali márege jetti (FOTO)

Keýdesin arman oty sharpyǵan jalyndy jasty ózine asyq etken de, ǵashyq etken de - Astana. Armandar oryndalatyn bul shahardy keshegi  býyn "jastardyń qalasy" dep moıyndasa, ekpini taý kótergen búgingi urpaq Esil boıynda erkelegen bas qalany jarqyn bolashaǵymen baılanystyrady. Sondyqtan da "elim" degen jas urpaq keń baıtaq qazaq dalasynyń júregi bop soqqan Astanamen birge damyp, birge ósedi. Án de jyr da, bı men kúı de shyraıly Astananyń, shabytty jastardyń ajyramas bóligine aınalǵan. Mine, osyndaı bastamany negizge ala otyryp, jastarmen tynystaǵan Astanada jyl saıyn "Jastar jalyny" festıvalin ótkizý dástúrge aınalǵan. Sáýirdiń 8-10 aralyǵynda Elordadaǵy 11 JOO-nyń stýdentteri arasynda "Astananyń úzdik komandasy", Jastar kýbogyna, "Estradalyq ánder", "Foto", "Jyr", "Jaıdarman" oıyny", "Bı", "Úzdik jankúıerler" komandasy" jáne "Úzdik stýdent-bloger" nomınasııalary boıynsha ózara saıysqa tústi. Astana qalasynyń Jastar saıasaty máseleleri basqarmasynyń bastamasymen Astana qalasynyń jastar saıasatyn qoldaý memlekettik qory Elordanyń joǵarǵy oqý oryndary arasynda "Jastar jalyny - 2014" televızııalyq jastar shyǵarmashylyq festıvalin qorytyndylady. Tómende sol sharadan foto reportaj. Danııar Alan.