QR Joǵarǵy Soty Nur-Sultan qalasy sotynyń Seıitqazy men Áset Mataevtarǵa qatysty 2016 jylǵy 9 jeltoqsandaǵy úkiminiń kúshin joıdy.
Sot úkiminde Mataevtardyń tolyq aqtalǵany jazylǵan. Endigi jerde sot zalynan bosatylǵan jýrnalıster qylmystyq prosesti júrgizgen organdardyń zańsyz áreketterinen keltirilgen zııandy ótep ala alady.
Eske salaıyq, Seıitqazy Mataev pen onyń QazTAG aqparat agenttigin basqaratyn uly Áset asa iri kólemde bıýdjet qarajatyn jymqyrdy jáne salyq tóleýden jaltardy dep aıyptalǵan bolatyn. Osylaısha, Seıitqazy Mataev QR QK 190-baby 4-bóliginiń 2-tarmaǵy, 245-baby 3-bóligi, QR QK 177-baby 4-bóliginiń «b» tarmaǵy boıynsha, al Áset Mataev QR QK 190-baby 4-bóliginiń 2-tarmaǵy boıynsha sottaldy.
2016 jyldyń qazan aıynda Seıtqazy Mataev jalpy rejımdegi kolonııada jazasyn óteýmen jáne múlkin tárkileýmen qosa alty jylǵa sottalsa, Áset Mataev bes jylǵa bas bostandyǵynan aıyrylǵan edi.
