«Endi eGov mobile-da tek bıometrııalyq derekter arqyly tirkelýge bolady. Burynǵydaı sms habarlama kútýdiń qajeti joq jáne paıdalanýshylardyń derekterinde qaýipsizdik saqtalady. Qazir eGov mobile - bul óte yńǵaıly qosymsha jáne halyqqa qyzmet kórsetý ortalyqtarynda alatyn qyzmetterdi osy jerden jyldam alýǵa bolady. Atap aıtqanda, 400 memlekettik qyzmet jáne jeke tulǵalarǵa arnalǵan e-license qyzmetteri, jeke kýálik pen júrgizýshi kýáligin qosa alǵanda, 18 sandyq qujat bar», dep jazdy B.Mýsın.
Budan soń, mınıstr bıometrııalyq derekter arqyly qalaı tirkelýge bolatynyn aıtty.
«Digital ID júıesi arqyly aldyn ala beıne-sáıkestendirýden ótip, ESQ kiltterin alý qajet. О́zim arnaıy kirip kórdim, 2-3 mınýt ýaqytymdy aldy. Qazir áriptesterimiz qazaqstandyqtarǵa memlekettik qyzmetterdi telefonnan jyldam alýǵa kómektesetin múmkindikterdi iske asyrý baǵytynda tıisti jumystar atqarýda», dep jazdy ol.
