«KAZAKH INVEST» baspasóz qyzmetiniń málimetine súıensek, bul Eýrazııa aımaǵyndaǵy qazirgi geosaıası jaǵdaımen baılanysty.
Qonys aýdarmaq bolyp otyrǵandardyń biri – amerıkandyq Honeywell korporasııasy. Kompanııa álemniń jetekshi kompanııalarynyń Fortune 100 tizimine engizilgen, 70 elde keńseleri bar jáne dúnıe júzinde 110 000-nan astam qyzmetkeri bar.
«Biz Honeywell kompanııasynyń Qazaqstannyń munaı-gaz sektoryn damytýǵa qosqan úlesin joǵary baǵalaımyz. 1998 jyldan beri kompanııa munaı óndirý jáne óńdeý boıynsha birqatar jobalarda avtomattandyrý jáne jasandy ıntellekt salasyndaǵy bizdiń jaqyn seriktesimiz bolyp tabylady. Kompanııa uzaq ýaqyt boıy Qazaqstanda lokalızasııa bastamalaryn iske qosýǵa bet burdy. Qazirgi geosaıası jaǵdaıdy eskere otyryp, kompanııa Qazaqstan Respýblıkasynda aımaqtyq ókildigin ashý múmkindigin qarastyrýda. Qandaı da bir sebeptermen reseılik naryqty tastap ketken sheteldik kompanııalar Eýrazııa keńistiginde yqpalyn saqtap qalǵysy keletinin málimdeıdi. Qalaı bolǵanda da, úlken oıynshylar bir jerge negizdelýi kerek. Qazirgi kezde 265 kompanııany biz baqylap jatyrmyz», dedi Almas Aıdarov.
