Qasym-Jomart Toqaevqa ulttyq kompanııanyń qabyldaǵan shuǵyl sharalary ishki naryqtaǵy taýarlyq gazdyń tapshylyǵyn boldyrmaýǵa múmkindik bergeni jóninde baıandaldy.
Sanjar Jarkeshovtiń aıtýynsha, qazirgi tańda ishki naryqtyń gazǵa degen suranysy tolyq qamtamasyz etilgen. QazaqGaz Qashaǵanda qýaty 1 mıllıard tekshe metr bolatyn gaz óńdeý zaýytyn salýǵa kirisken. Gazdy barlaý jáne óndirý jónindegi jańa jobalardy iske qosý arqyly resýrstyq bazany ulǵaıtý jumystary júrgizilip jatyr. Sondaı-aq Gaz salasyn damytýdyń 2022-2026 jyldarǵa arnalǵan keshendi jospary bekitilgen.
Memleket basshysyna kompanııanyń qyzmetine júrgizilip jatqan keshendi tekserý jumysynyń barysy týraly málimet berildi. Qazaqstannyń gaz tasymaldaý júıesine halyqaralyq tehnıkalyq aýdıt júrgizilýde. Ulttyq kompanııanyń shyǵyndaryn ońtaılandyrý nátıjesinde jyl basynan beri 9 mıllıard teńge únemdeldi.
Budan bólek «QazaqGaz» UK» AQ basqarma tóraǵasy gazǵa qosylý jónindegi tehnıkalyq sharttardy berý úshin talap etiletin qujattar tizimin qysqartý jumystary júrgizilip jatqanyn aıtty.
Baǵa belgileýdiń áleýmettik ádil reformasyna qatysty sharalar kesheni ázirlenip, qaraýǵa usynyldy.
Kezdesý sońynda Prezıdent birqatar mindet júktedi, sonyń ishinde elimizdegi gazben qamtý jumystarynyń qarqynyn arttyrý jóninde tapsyrma berdi.
