Bul týraly Til saıasaty komıtetiniń tóraǵasy Ádilbek Qaba óziniń Facebook-tegi paraqshasynda jazdy.
«Ult ustazy Ahmet Baıtursynuly men «Alash» qozǵalysynyń basqa da kórnekti qaıratkerleri týraly shetel arhıvterinde saqtalǵan derekterdi izdestirip, tabylǵan jaǵdaıda olardy ǵylymı aınalymǵa engizý úshin til bilimi, ádebıet jáne tarıh salasy ǵalymdarynan quralǵan jumys toby jasaqtaldy.
10 adamnan turatyn ekspedısııanyń alǵashqy legi josparǵa sáıkes jáne alashtanýshy, ahmettanýshy ǵalymdardyń usynystary boıynsha Reseıdiń Máskeý, Sankt-Peterbýrg qalalaryndaǵy, Tatarstannyń Qazan qalasyndaǵy memlekettik arhıvterine baryp, qazaq aǵartýshylarynyń eńbekterin izdestirip qaıtty.
Búgingi kúni bul jumystar Orynbor oblysynyń memlekettik arhıvi men Omby oblysynyń tarıhı arhıvinde júrgizilýde», dep jazdy komıtet basshysy.
Onyń aıtýynsha, alda Tashkent, Troısk, Helsınkı qalalaryndaǵy arhıvterdi aralaý josparlanǵan.
«Buryn eshbir jerde jarııalanbaǵan tyń derekter tabylyp jatsa, josparlanǵan jınaqqa enip, kópshilik kózaıymyna aınalady. Joba aıasyndaǵy alǵashqy eki aı tek qana uıymdastyrýshylyq jumystarǵa arnalsa, qalǵan tórt aı ishinde arhıvterden tıisti materıaldar izdestirý, tehnıkalyq óńdeý, saraptaý jáne jınaqty ázirleý jumystary júrgiziledi», deıdi Ádilbek Qaba.
