Qaraǵandy oblysynda tórt vagon relsten shyǵyp ketti

ASTANA. 1 mamyr. Qaraǵandy oblysynda júk poıyzynyń tórt vagony relsten shyǵyp ketti. Bul týraly «Jolaýshylardy tasymaldaý» qyzmetine silteme jasaǵan Today.kz habarlaıdy. «2014 jylǵy 30 sáýir kúni 17 saǵat 25 mınýtta Qaraǵandy jol bólimshesiniń Babataı-Vıshnevka aralyǵynda Reseı Temir jolyna qarasty «Hılok» AAQ kásiporny men vagondardyń ıesi – «VTB – Lızıng» (RF) kinásinen  №25802 júk poıyzynyń «neftetransservıs» JAQ-tyń jalyndaǵy bos kele jatqan tórt vagon relsten shyǵyp ketti», - delingen habarlamada. «Qazaqstan temir joly» qurǵan arnaıy komıssııa aldyn ala vagondardyń joldan shyǵyp ketýine parametrlerdiń sáıkes kelmegeni sebep bolǵan degen tujyrymǵa tirelip otyr. Ol josparly jóndeý kezinde jiberilgen. Osyǵan baılanysty barlyq shyǵyndy «Hılok» jóndeý kásiporny men vagondar egesinen óndirip alý kózdeledi. Apattyń ornyn qalpyna keltirý jumystaryn Qaraǵandy temir jol bólimshesi óz kúshimen atqaryp jatyr. Bul poıyzdardyń qozǵalysyna kedergi keltirgen joq. Sostavtar kórshi jolmen ótikizilip jiberilip tur. Qurban bolǵandar men zardap shekkender joq. Farhat Fazyl. Derekkóz: Today.kz. Foto: runews24.ru.