Astanadaǵy «Atameken» kesheninde qaıyrymdylyq-patrıottyq aksııasy ótkizildi

ASTANA. 1 mamyr. Búgin Astanada Qazaqstan halqynyń birligi kúnine oraılastyra «Atameken» Qazaqstan kartasy» etno-memorıaldyq kesheninde «Ult baılyǵy – uly birlik» qaıyrymdylyq-patrıottyq aksııasy uıymdastyryldy. Bul týraly astana.kz habarlady. «Atameken» Qazaqstan kartasy» etno-memorıaldyq kesheni ǵylymı máseleler jónindegi dırektordyń orynbasary Batyrhan Jumabaev: «Búgin biz halyqaralyq murajaılar odaǵy jáne  «7 arnamen» birlese patrıottyq aksııa uıymdastyrdyq. О́zderińiz biletindeı, 1 mamyr ataýly kúnderdiń biri, Qazaqstan halqynyń dostyǵy kúni, osy aksııa arqyly jastardyń, óskeleń urpaqtyń otansúıgishtik sezimin oıatpaqpyz», – dedi. Bul aksııaǵa kórnekti qoǵam qaıratkerleri, sonyń ishinde Qazaqstan halqy Assambleıasynyń músheleri, jazýshy Darııa Jolmaǵanbetova jáne halyqaralyq djıý-djıtsý federasııasynyń prezıdenti Anatolıı Kım qatysty. Is-shara barysynda «Úzdik Gıd – 2014» baıqaýynyń jeńimpazdary jarııalanady. Osy sharada elimizge tanymal birqatar ánshiler óner kórsetti. Joldybaı Bazar. Derekkóz: astana.kz. Foto: gazeta.kz.