2030 jylǵa deıin «úshtiktiń» jalpy ishki ónimi 900 mlrd. dollardy quraýy múmkin

ASTANA. 1 mamyr. 2030 jylǵa qaraı Eýrazııalyq ekonomıkalyq odaqqa múshe elderdiń jalpy ishki ónimi 900 mlrd. dollardy quraıdy. M.V.Lomonosov atyndaǵy Máskeý memlekettik ýnıversıtetinde júrgizgen dárisi barysynda Nursultan Nazarbaev osylaı dedi. Bul týraly egemen.kz tilshisi habarlady. Nursultan Nazarbaev eýrazııalyq ıntegrasııanyń kóptegen paıdasy bar ekenin aıta kele: «Eýrazııalyq ıdeıa HHI ǵasyrdyń ekinshi onjyldyǵynyń ortasyna qaraı naqty saıası, ekonomıkalyq geosaıası mańyzǵa ıe bola bastady. Joǵarǵy eýrazııalyq keńes, Eýrazııalyq ekonomıkalyq komıssııa kóńilge qonymdy jumys istep keledi. Qazaqstan, Belarýs, Reseı úshtigi biryńǵaı Kedendik kodeksti paıdalana otyryp, makroekonomıkalyq saıasatyn úılestirýde. Eýrazııalyq ekonomıkalyq odaq ıdeıasynyń týyndaǵanyna 20 jyl tolýy qarsańynda atalǵan ıntegrasııalyq birlestikti qurý týraly tarıha kelisimge Astanada qol qoıylýy úlken mańyzǵa ıe», – dedi. Qazirgi tańda osy qurylǵaly otyrǵan Odaqqa kóptegen memleketterdiń qyzyǵýshylyq tanytyp otyrǵanyn alǵa tartqan Nursultan Nazarbaev: «Eýrazııalyq yqpaldastyqtyń ekonomıkalyq áleýeti myqty dep esepteımiz. Úsh el ekonomıkasynyń jıyntyǵy 0,2 trıllıon dollardy quraıdy. О́nerkásiptik ónim óndirisiniń jıyntyq kórsetkishi 1,5 trıllıon AQSh dollaryn qurady. 2030 jylǵa qaraı osy yqpaldastyqtyń tıimdi sıpaty retinde jalpy ishki ónimniń jıyntyq ósimi 900 mıllıard dollardy quraýy múmkin. Bul kórsetkishterdi mamandar eseptep shyqqan. Osylaısha, eýrazııalyq ózara yqpaldastyq onyń barlyq qatysýshylary úshin qolaıly strategııalyq múmkindik berip otyr», – dedi. Joldybaı Bazar. Derekkóz: egemen.kz. Foto: «24kz».