Almaty oblysy Polısııa departamentiniń Uıymdasqan qylmyspen kúres basqarmasynyń qyzmetkerleri 25 shilde kúni jedel-izdestirý sharalaryn júzege asyrý barysynda kıik múıizin zańsyz alyp bara jatqan bir top adamdy ustady.
«Jedel izdestirý jumystary barysynda «Almaty-Bishkek» respýblıkalyq trassasynda ketip bara jatqan kólik toqtatyldy. Onda kóliktiń salonynan 2048 dana kıik múıizi salynǵan 13 qap tabyldy. Aýmaqtyq orman sharýashylyǵy ókilderiniń aldyn ala esebi boıynsha memleketke kelgen shyǵyn 360 mln teńgeni qurap otyr. Ustalǵan kúdiktilerge qatysty QR QK 339 baby boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaldy. Qazir tergeý amaldary júrip jatyr», dedi Almaty oblystyq Polısııa departamenti bastyǵynyń orynbasary Eldar Ábdikenov.
