Olar «Zerde» holdıngindegi jaǵdaıdyń tolyq beınesin berýdi jáne onyń mańyzdylyǵyn ataýdy asa qajet dep sanaıdy.
«О́zderińiz biletindeı, holdıng qyzmetkerleri Memleket basshysynyń atyna ujymdy taratpaý týraly ótinishpen hat jazǵan bolatyn. Budan soń ınternette holdıngti jaqtaýshylar men dattaýshylar arasynda «soǵys» bastalyp ketti. Biz óz qyzmetimiz ben jumysymyzdyń nátıjeleri týraly jarııalanymdarǵa tólem jasamaý saıasatyn ustanamyz. Sebebi biz bireýdiń múddesin jaqtamaımyz, tek paıda ákele otyryp, óz jumysymyzdy isteımiz. Bizdiń nátıjemizdi IT-naryq kórip otyr, olardyń keıbiri bul týraly áldeqashan ashyq aıtyp ta úlgerdi», dedi Ulttyq aqparattyq tehnologııa ortalyǵynyń mamandary.
Holdıngtiń tıimsizdigi, kópshilik aıtqandaı, onyń tarıhynyń alǵashqy kezeńderinde bolǵan. Biraq sońǵy eki jylda eleýli ózgerister boldy. Avtorlardyń paıymynsha, biraq qandaı da bir sebeptermen bul faktiler eskerýsiz qalýda nemese burmalanǵan. Sonymen qatar holdıngti taratý kvazımemlekettik sektor qyzmetkerlerin ustaýǵa arnalǵan memlekettik bıýdjetti únemdeýmen negizdeledi, biraq sonymen bir mezgilde «Sıfrlyq úkimetti qoldaý ortalyǵy» RMK birdeı shtattyq kestemen jańa uıym qurylýda. Bul qazirdiń ózinde suraqtar týǵyzyp otyr.
«2020 jyldan bastap ońtaılandyrý aıasynda holdıngtiń shtat sany aıtarlyqtaı qysqardy. 2021 jyly kompanııanyń óndiristik qyzmeti tıimdiliktiń artýy aıasynda alǵash ret ózin tolyqtaı aqtady.
Bir qyzyǵy, 2020 jyly eldi sıfrlandyrý jumystary jappaı synǵa ushyrady. Al onyń sebebi 42 500 teńge kólemindegi ataýly áleýmettik járdemderdi usyný kezeńinde paıdalanýshylar aǵynyna tótep bere almaǵan eGov portalynyń jumysyndaǵy turaqty sátsizdikterden boldy. Artynsha «Zerde» holdınginiń basshysy bolyp derbes maman Arman Abdrasılov taǵaıyndaldy. Oǵan jaǵdaıdy tez arada túzetip, salada júıeli reformalar júrgizý tapsyryldy», dep eske saldy sala mamandary.
Málimdemeden belgili bolǵandaı, holdıng pen enshiles uıymdardyń ishki prosesterin taldaý mundaǵy qıyn jaǵdaıdy kórsetken. Atap aıtqanda, ınfraqurylym problemaly jaǵdaıda boldy, turaqty aqaýlarymen maksımaldy júktemede jumys istedi, rezervtik júıe joq, baılanys arnalary negizgi derektermen almasýǵa múmkindik bermedi, bıýdjetter men satyp alý júıesi sybaılas jemqorlyqqa tolǵan, kadr tapshylyǵy bar. Traıbalızm men favorıtızmmen qatar júretin korporatıvtik basqarý júıesi, táýekelderdi basqarý mádenıeti tipti de qazirgideı emes. Karantınniń bastalýy osynyń barlyǵynyń saldaryn eselep áshkereledi.
«Baǵdarlamalyq qamtamasyz etýdi ázirleýde de enshiles kompanııalarǵa basymdyq berildi. Bul sharalar tek «UAT» AQ qyzmetinen sıfrlandyrý salasyndaǵy saıasatty aıqyndaıtyn toptarǵa jylyna 5 mlrd teńge kóleminde paıda ákeldi, ıaǵnı bıýdjetke osynsha zalal tıgizdi.
Júrgizilgen ishki aýdıt 2018-2020 jyldary 17,5 mlrd teńge orynsyz shyǵyn bolǵanyn kórsetti. Materıaldar Qarjylyq monıtorıng agenttigi men Antıkorǵa berildi», delingen málimdemede.
Osylaısha, «Zerde» holdıngi men onyń enshiles kompanııalary «Asyl Taý» bıznes ortalyǵynda (meken-jaıy: Astana q., Almaty k-si, 1) kezdeısoq emes jáne joǵary laýazymdy sheneýniktiń týysqanyna joǵary baǵamen jaldaý aqysyn tólegen. Jańa basshylyqtyń bastamasymen EKSPO-2017 aýmaǵynda jańa jıhazy bar A klasyndaǵy keńselerge kóshý úı-jaılardy jalǵa alý qunyn 2 ese únemdeýge múmkindik berdi.
«2020-2022 jyldary dál osy «Zerde» jańa basshylyǵynyń batyl áreketteri men júıeli jumysynyń arqasynda holdıngtiń barlyq kompanııalarynyń qyzmetinde aıtarlyqtaı oń ózgeristerge qol jetkizýge múmkindik týdy. Sybaılas jemqorlyq shemalary joıylyp, rýshyldyq pen jaǵympazdyq saıasattan merıtokratııaǵa kóshý baıqalyp, aýqymdy kadrlyq jumystar júrgizildi», deıdi sala mamandary.
Toptaǵy barlyq kompanııalardyń qarjylyq kórsetkishteri birneshe ese ósti, bul ótken kezeńdegi orasan tıimsizdiktiń dáleli. Atap aıtqanda, «UAT» AQ 2020-2021 jyldarǵa jalpy kiristi saqtaı otyryp, taza paıdanyń 5 ese óskenin kórsetti (BDO halyqaralyq aýdıtorlyq kompanııasynyń esebimen rastalǵan). Kórsetkishterdiń ósýi 2022 jyly jalǵasýda, nátıje josparly aýdıt kezinde aıqyndalady.
Qyzmetkerlerdiń dereginshe, jınaqtalǵan tájirıbe ulttyq beınebaqylaý júıesi sııaqty toqtatylǵan iri ınfraqurylymdyq jobalardy qosymsha qarjylandyrýsyz iske qosýǵa múmkindik berdi (buryn bul jobaǵa 50 mlrd teńge jumsaý josparlanǵan bolatyn). Sonymen qata Prezıdenttik kommýnıkasııalar, Úkimettik kommýnıkasııalar, Qorǵanys mınıstrligi jelilerin jańartý, sondaı-aq úzilissiz baılanys úshin, onyń ishinde tótenshe jaǵdaılar, bloktaý jaǵdaılary úshin aýyldyq ákimdikter deńgeıine deıin jańa qaýipsiz baılanys jelilerin salý jobalary josparlanýda.
«Al munyń aldynda elimizdiń negizgi serverlik ınfraqurylymynyń qıyn jaǵdaıynyń dáleli retinde, jazda serverlik bólmelerdiń qyzyp ketpeýi úshin qyzmetkerlerge syrtqy salqyndatý qondyrǵylaryn qolmen sýlandyrýǵa týra kelgenin atap ótý jetkilikti.
Máselen, «Elektrondyq úkimet» tarıhynda alǵash ret derekterdiń saqtyq kóshirmesin jasaý qarastyrylǵan. Derekterdiń joǵalý qaýpi qazaqstandyq «Elektrondyq úkimetti» negizi qalanǵan sátten bastap júredi jáne sıfrlyq apat oryn alýy múmkin emes», dedi «UAT» AQ mamandary.
Olardyń sózinshe, «Elektrondyq úkimettiń» baǵdarlamalyq bóliginde de áli sheshimin tappaǵan birqatar kúrdeli másel bar. «Elektrondyq úkimettiń» kóptegen quramdas bólikteriniń qujattamasy joq, tehnologııalar eskirgen, aqparattyq qaýipsizdik standarttary saqtalmaǵan, zamanaýı álemniń únemi ósip kele jatqan talaptary bizdi tehnologııalyq tuıyqqa ıtermeleıdi, odan shyǵýdyń jalǵyz joly – jańǵyrtý. Jınaqtalǵan «tehnologııalyq qaryzdy» óteý kerek.
«eGov-ty jańǵyrtý boıynsha qajetti daıyndyq sharalary aıaqtaldy. 2023 jyldyń sońyna qaraı eń joǵary halyqaralyq standarttarǵa sáıkes barlyq negizgi komponentterdiń úzdiksiz jumysy qamtamasyz etiledi. Holdıngtiń ósýi nátıjesinde paıda bolǵan únemdeý esebinen jańǵyrtý jumystaryn júrgizý josparlanýda», dedi qyzmetkerler.
«Zerde» holdıngi tıisinshe «Qazaqstan platforma retinde» jáne «Ortalyq Azııa platforma retinde» atty jergilikti jáne jahandyq óńirlik jobalardyń bastamashysy boldy. Birinshi joba qazaqstandyq memlekettik basqarý júıesin sıfrlyq túrlendirýge baǵyttalǵan, ekinshisi bolashaqta barlyq deńgeıdegi elderdiń úzdiksiz ıntegrasııasyn qamtamasyz etý úshin óńirlik sıfrlyq jobalardy júıeleýge jáne úılestirýge jumys isteıdi. Bastamalardy aımaqtyń barlyq elderi, BUU jáne basqa da halyqaralyq uıymdar oń qabyldaǵan.
