«Qazir elimizdiń aı saıyn 500 myń dozaǵa deıin QazVac vaksınasyn shyǵarý múmkindigi bar. Bul ishki suranysty tolyq óteı alady. Aldaǵy tamyz-qyrkúıek aılaryna qaraı QazVac-tyń qosymsha 500 myń dozasy qajet. Tapsyrys berildi. Sonymen qatar Pfizer vaksınasyn satyp alý boıynsha kelisim júrip jatyr», dedi Aıjan Esmaǵambetova ortalyq kommýnıkasııalar qyzmetinde ótken baspasóz máslıhatynda.
Vıse-mınıstr Pfizer vaksınasynyń tek jasóspirimderge, júkti jáne sábı emizetin áıelderge ǵana egiletinin eske saldy.
«Basqa sanattaǵy azamattarǵa koronavırýsqa qarsy Sinopharm jáne QazVac vaksınasy usynylady. Al, aldaǵy ýaqytta elde tek QazVac vaksınasy bolýy múmkin. Sebebi óndiris kólemi ishki suranysty tolyq qamtı alady», dedi ol.
Aıjan Esmaǵambetova sheteldik vaksınalardy aqyly túrde saldyrýǵa qatysty óz pikirin bildirdi.
«Qazaqstandyqtarda sheteldik vaksınany saldyrtý múmkindigi bar bolǵanyn biz de qalaımyz. Biraq ol bizdiń ǵana qolymyzda emes. Jeke óz basym Moderna jáne Pfizer vaksınasynyń óndirýshilerimen kelissóz júrgizdim. О́kinishke qaraı, barlyq jetkizýshiler vaksınanyń aqyly bolýyna qarsy, ıaǵnı kez kelgen sheteldik vaksına tek memlekettik kelisimniń negizinde jetkizilýi tıis», dedi spıker.
