Aqtóbe oblysynda qańtar aıynda - 7462, aqpanda - 1454, naýryzda - 27, sáýirde - 4, mamyr aıynda - 3, maýsymda 2 adamnan koronavırýs ınfeksııasy anyqtaldy. Shilde aıynda 335 adamnyń PTR synamasy oń mán kórsetti.
«Qazirgi ýaqytta 237 naýqas úıinde karantınde jatyr. Barlyǵyna medısınalyq baqylaý júrgiziledi. О́tken aptaǵa qaraǵanda aýrýshańdyq kórsetkishi 2,2 esege ósken. Naýqastardyń 80% Aqtóbe qalasynyń turǵyny ári kóbi vaksına saldyrmaǵan», dedi oblystyq Sanıtarııalyq-epıdemıologııalyq baqylaý departamentiniń basshysy Raıhan Qoıshanova.
Qazir Aqtóbe oblysy boıynsha 112 kereýet daıyndalyp, jumys istep tur. Barlyq aýdanda ınfeksııalyq stasıonar bar. Infeksııalyq kereýet júktemesi 18%, al reanımasııadaǵy kereýet júktemesi 5% qurap otyr.
«Aqtóbe oblysy boıynsha 442 myńnan astam adam vaksına saldyrdy, 223 myńnan astamy revaksınasııadan ótti, 20 600-den astam adam qaıta revaksınasııa qabyldady. Qazir bizdegi qalalyq jáne aýdandyq emhanalarda Sinopharm jáne QazVac vaksınalary bar. Sondyqtan baryp, vaksına saldyrǵan jón», dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
