2021 jylǵy aqpanda «Agroprom Trade 2030» JShS dırektory Qostanaı oblysynyń aýyl sharýashylyǵy taýaryn óndirýshileri jáne laýazymdy tulǵalarymen sýbsıdııalanatyn kartop tuqymdaryn satyp alý - satý sharttaryn jasasqan. Keıin kórsetilgen sharttar negizinde Qostanaı oblysy ákimdiginiń aýyl sharýashylyǵy basqarmasyna «Agroprom Trade 2030» JShS-ne kartop tuqymyn satyp alý kezindegi shyǵyndardy óteýge tıesili sýbsıdııalardy tóleý týraly ótinimder berilgen.
«Júrgizilgen sharalar barysynda is júzinde «Agroprom Trade 2030» JShS-nen kartop tuqymyn eshqashan satyp almaǵany jáne ósirýmen aınalyspaǵany anyqtaldy, sonymen qatar keıbir JShS jumys istemeıtin sharýashylyqtar bolyp shyqty, al sharýa qojalyqtary tek bıdaı jınaýmen aınalysqan», dep kórsetti Qarjylyq monıtorıng agenttigi.
Vedomstvo málimetinshe óz ESQ usynyp, satyp alý-satý sharttaryn bekitkeni úshin aıyptalýshylar aýyl sharýashylyǵy taýar óndirýshilerine syıaqy berýge ýáde bergen, biraq sýbsıdııalardy alǵannan keıin 1,5 mln.teńge syıaqyny tek bir sharýa qojalyǵynyń basshysyna bergen.
Joǵaryda kórsetilgen faktiler boıynsha, 2021 jylǵy maýsym – shilde kezeńinde memleketke 96 mln.teńge mólsherinde zalal keltirilýine qatysty 5 qylmystyq is qozǵaldy.
Sot «Agroprom Trade 2030» JShS dırektoryn qylmystyq quqyq buzýshylyqtar jasady dep tanydy. Ol kommersııalyq jáne memlekettik uıymdarda materıaldyq-jaýapty jáne basshy laýazymdardy atqarýǵa baılanysty qyzmetpen aınalysý quqyǵynan aıyrylyp, 5 jylǵa sottaldy.
