Scalerator baǵdarlamasy – el Prezıdentiniń 2025 jylǵa qaraı IT-eksportty 500 mln dollarǵa deıin ulǵaıtý jónindegi tapsyrmasyn iske asyrý jolyndaǵy taǵy bir qadam.
«Baǵdarlamanyń birinshi leginiń nátıjeleri tańǵaldyrdy. О́tken jylǵy baǵdarlama túlekteri Kanada, AQSh, Kıpr, Úndistan, Vetnam, Sıngapýr, Malaızııa, Saýd Arabııasy, Qytaı, О́zbekstan, Qyrǵyzstan, Ýkraına, Belarýs naryqtarynda kelisimshart jasap, seriktestermen kelissózder júrgizýde. Bul Qazaqstanda básekege qabiletti IT-ónimder qurylyp jatqanyn taǵy da dáleldeıdi, al bizdiń mindetimiz – jas kompanııalardyń jobalaryn álemge tanystyrýǵa jáne halyqaralyq deńgeıde tıimdi kelissózder júrgizýge úıretý», dep atap ótti Astana Hub damý jáne eksport jónindegi basqarýshy dırektory Abaı Absamet.
Baǵdarlamaǵa qatysý tegin. IT-kompanııalar úshin bul óz bıznesin halyqaralyq sarapshymen talqylaý, damý josparyn ázirleýdiń jáne sheteldik satý men paıdany ulǵaıtýdyń naqty múmkindigi. Árbir qatysýshy kompanııa ósý núkteleri men tıimdilikti arttyrý joldaryn anyqtaı alady, eń bastysy, ózin halyqaralyq naryqta tanytady. Bul otandyq ınnovasııalyq ónimderdiń eksportyn ulǵaıtý boıynsha qoıylǵan mindetke qol jetkizýge yqpal etedi.
Bıylǵy oqý baǵdarlamasy Soltústik jáne Ońtústik Amerıka, Eýropa naryqtaryna shyǵý boıynsha quzyrettilikti arttyrýǵa baǵyttalǵan. Ol marketıng, PR, satý, dızaın, qarjy, pıtchıng, quqyqtaný, salyqtar, zııatkerlik menshik jáne basqa salalardaǵy sarapshylardan trekıng pen jeke keńesterden turady. Sonymen qatar sabaq barysynda startaptar bıznes boıynsha seriktesterdi tıimdi izdeýdi, klıentterdi tartýdy jáne ónimdi naryqta belsendi jyljytýdy úırenedi.
