2005 jyly Shyǵys Qazaqstan oblysynda dúnıege kelgen Daryn Áskerbek Rım bozkilemindegi alǵashqy aınalymda ózbekstandyq Hasanboı Ýsmonovtan aılasyn asyrsa, shırek fınalda armenııalyq Arena Serobıandy jeńdi. Al jartylaı fınalda germanııalyq Iаnnıs Rebgolsti jarys jolynan yǵystyryp, fınalǵa joldama aldy.
Bas júlde úshin ótken beldesýde otandasymyz amerıkalyq Djeksen Patrık Forrestpen sheberlik baıqasty. Asa tartysty ótken kezdesýdiń alǵashqy mınýttarynda Áskerbek qarsylasynan 6 upaımen jeńilip jatyp, sońǵy mınýttarda tamasha ádis jasap, jeńisti julyp aldy. Qorytyndy esep – 10:11.
Aıta keteıik, buǵan deıin el qorjynyna grek-rım kúresiniń eki ókili – Arsen Juma (48 kılo) men Iýsýf Ashrapov (60 kılo), sondaı-aq qyzdar arasynda beldesken Alına Ertóstik qola júlde salǵan bolatyn.
