Arnaıy aımaqta zaýyt ashyldy

Munaı salasynda jańa qurylǵan zaýyt negizi 3 kezeńdi bastan ótkermek. Onyń birinshisi – reagentter men túrli qospa shyǵarý. Odan soń jyldyń sońyna qaraı ónim túrlerin kóbeıtip, jańa qondyrǵylar qoıylady. Al keler jyly tolyq qýat­ty­lyqqa shyǵady dep josparlanǵan.

«Qazmunaıhım» JShS-na tıesili óndiris orny Qazaqstanda munaı-hımııa ónimderin tolyq sıklmen óndiretin alǵashqy zaýyt retinde tanylyp otyr. Qospalar dızeldi otyndar shyǵarý kezinde jáne shaǵyn kólemde óndiriletin hımııalyq zattardyń óndirisinde qoldanylady. Jylyna 30 myń tonna reagent pen munaı-hımııa qospalaryn shyǵaryp, onymen elimizdiń munaı óndirýshi jáne munaı óńdeýshi kásiporyndaryn tolyq qamtamasyz etpek. Odan artylǵan ónimdi eksportqa baǵyttaý kózdelgen.

– О́ńirimizdegi júzege asyrylyp jatqan teh­nologııalyq úderis zamanaýı álemdik ekono­mı­ka jaǵdaıynda jyldam she­shim qabyldaýǵa múmkindik bere­di. Zaýyt ónimderi naryqtyń sura­­nysyna to­lyqtaı saı. Jańa ón­di­ris orny memleket, bıznes jáne ǵylymnyń ózara áreket­testigin is jú­zinde dáleldep otyr. Osyn­daı jobalardy júzege asyrý arqyly óndiris salasynda tereń zert­teýler júrgizýge bolatynyn baıqadyq, – dedi Pavlodar obly­synyń ákimi Ábilqaıyr Sqaqov.

Atap óterligi, bul – otandyq kásipkerlermen munaı-hımııa salasynda tolyq sıklda iske asyrylyp jatqan alǵashqy joba. Onyń ǵylymı oıdyń kómegimen iske asyrylyp jatqandyǵy da qýantady. Jergilikti óndiris mamandary bul bız­nes pen ǵylymnyń ózara bir­­le­sýiniń jarqyn úlgisi dep baǵa­laıdy.

Jobaǵa tartylǵan ınvestısııa­lar­dyń jalpy somasy 2,5 mlrd teń­geni quraǵan. Qazirgi kezdiń ózin­de munda 30 turaqty jumys orny ashyldy. Kásiporyn dırek­tory Alen Kenjebaevtyń aıtýyn­sha, aǵymdaǵy jyldyń sońyna taman joǵary temperatýraly sıntez qondyrǵysynyń qurylysy jos­parlanýda.

«О́ndiris ornyndaǵy qural-jabdyqtar tehno­logııalyq reglamentterge saı ornatylǵan. Eli­mizdegi Ekologııalyq kodeks ta­laptaryn negizge ala otyryp, kele­shekte kásiporyndaǵy óndiris eko­logııalyq baqylaýda bolady. Jalpy, nysan turǵyzylmaı turyp, kópshilik tyńdaýlar ótki­zilip, zaýyt­tyń qorshaǵan orta men adamdar ómirine qaýpi bar-joq­ty­ǵyna qatysty memlekettik ekolo­gııalyq sarap­tama júrgizilgen. Barlyq zert­teýlerdiń nátıjesi oń shyq­ty. Tórt skvajına qazyp, jer-asty sýlaryn qadaǵalaýǵa aldyq. Tehnologııalyq prosesimiz qor­sha­ǵan­ ortaǵa esh zııanyn tıgizbeıdi dep se­nimmen aıta alamyz», dedi ol.

Zaýyt basshysy, sondaı-aq Pavlodar oblysynyń munaı-hı­mııa salasy boıynsha elimizde kósh bastap kele jatqan aımaqtardyń biri ekenin atap ótti.

О́ndiris orny jergilikti Toraıǵyrov ýnıver­sıtetimen ke­lisimshartqa otyryp, bilim berý meke­mesiniń jetekshi ǵa­lym­dary­men birlese jumys isteýdi maqsat tutyp otyr. Sebebi búgingi tańda kásip­oryndaǵy jumysshylardyń denin jastar quraı­dy. Munda jas mamandardy oqytý isine erekshe kóńil bó­linbek.

«Pavlodar» arnaıy ekonomı­ka­lyq aımaǵynda kóptegen kásip­oryn­dardyń jumysy jandanyp kele jatqanyn aıtý kerek. Aýmaqta barlyǵy 18 óndiris orny qyzmet etip tur. Bul jerde zaýyttardan shyǵatyn óndiristik qal­dyqtar men sarqyndy sýlardy tazartý úshin kárizdik tazartý júıesi salynýda. Qazirgi kúni ny­sannyń negizgi korpýs ǵımaraty sa­lynyp, bıologııalyq rezervýar jabdyqtaryn ornatý boıynsha jumystar aıaqtalýǵa jaqyn.

Murat QAPANULY,

jýrnalıst

Pavlodar oblysy