«2022 jylǵy 2 tamyzda Nur-Sultan qalasynyń qylmystyq ister jónindegi mamandandyrylǵan aýdanaralyq sotynda M-ge qatysty jábirlenýshiniń dármensiz kúıin paıdalanyp zorlaý (QK-tiń 120-babynyń 1-bólimi), sondaı-aq abaısyzda jábirlenýshi A-nyń ólimine ákep soqqan adamdar tobynyń aldyn ala sóz baılasýymen adamdy satý faktisi boıynsha aıyptaý úkimi shyǵaryldy (QK-tiń 128-babynyń 2-bólimi 4-tarmaǵy)», dep habarlaıdy elorda sotynan.
Sotta anyqtalǵandaı, M jábirlenýshi A-ǵa Grýzııada 500 AQSh dollar jalaqy tóleıtin jumys usynyp, atalǵan elge barýyna kómektesken.
«Aıypty M jábirlenýshi A-nyń uıqyly-oıaý kúıin jáne dármensizdigin paıdalanyp ony zorlaǵan. Odan keıin M jábirlenýshini jynystyq qatynasqa májbúrleý arqyly paıda tabý maqsatynda Grýzııa azamaty B-ǵa tapsyrǵan. Sodan soń jábirlenýshi A zorlyq-zombylyqtan qutylý úshin 9 qabattan sekirip, qaıtys boldy», deıdi vedomstvodan.
Habarlamada aıtylǵandaı, prokýror sottalýshyǵa zorlaý faktisi boıynsha (QK-tiń 120-babynyń 1-bólimi) 5 jylǵa jáne adamdy satý faktisi boıynsha (QK-tiń 128-babynyń 2-bólimi 4-tarmaǵy) 11 jyl 3 aı merzimge bas bostandyǵynan aıyrý jazasyn taǵaıyndaýdy surady.
Osylaısha kinálini jalpy merzimi 15 jylǵa bas bostandyǵynan aıyra otyryp, jazasyn maksımaldy qaýipsizdiktegi mekemede óteý usynyldy.
