Aınalasyn qoqys basqan aýyldar kóbeıdi

Zańsyz qoqys alańdaryn anyq­taý jumysy kosmomonıtorıng baqylaýy arqyly júzege asy­rylǵan eken. Zertteý barysynda arnaıy baqylaý júıesi buǵan deıin anyqtalyp, joıylýǵa tıis­ti qoqys oshaqtaryna qatysty nemquraı­dylyqty da ashyp beripti. Iаǵnı Qonaev qalasynan ta­bylǵan 62 qa­ýip­ti úıindi áli kúnge sol kúıinde jatsa, Ile aýdanyndaǵy 72 apatty qoqys úıindisiniń 66-sy jáne Talǵar aýdanynda 44 qaýipti úıindiniń 20-sy ǵana joıylǵan. Munan bólek qabyldanǵan sharalarǵa qaramastan zańsyz qoqys polıgondarynyń sany ósip jatyr.

– Qazirge deıin oblys aýmaǵyn­daǵy 149 qaýipti qoqys úıindisi jo­ıyldy. Alaıda aýyldyq okrýg ákim­deriniń sanıtarlyq tazalyq jumy­syna jetkilikti kóńil ból­meı­tinin moıyndaýymyz kerek. О́ńir­de qoqys tastaǵandardy jaýapqa tartý jumysy óte tómen deńgeıde. Saldarynan eldi mekender qaldyqtarǵa kómilip jatyr. Aýdan ákimderi men jergilikti polısııa qyzmetkerleri bul máseleni qa­tań baqylaýǵa alýǵa tıis dep esepteı­min, – deıdi Almaty oblysy ákimdigi ap­paratynyń basshysy Tólegen Sársembaev.

Búginde Almaty oblysynda jı­naq­­talǵan qatty turmystyq qal­dyq­­tardyń jalpy kólemi 9 mln ton­­nany quraıdy. Jyl saıyn bul kórsetkish 1 mln tonnadan astam qoqyspen toly­ǵady degen boljam bar. Al onyń 440 myń tonnasy tek qana Almaty qalasynyń aýmaǵynan tasymaldanatyn qoqys túrleri bolyp otyr. Demek osynsha kólemdegi qoqysty jınaqtaý, saqtaý qyrýar qarjy men arnaıy oryndardy qajet etetini sózsiz. Qazir oblys aýmaǵyn­da qatty turmystyq qaldyqtardy ýaqytsha saqtaıtyn 313 arnaıy oryn bar jáne 14 qatty turmystyq qaldyq polıgony jumys istep tur.

Málimetke súıensek, qazir tur­mys­tyq qaldyqty kóp shyǵaratyn qalanyń kósh basynda Almaty tur. Megapolıs turǵyndary 2020 jyly ǵana 414,4 myń tonna qoqys tastaǵan. Iаǵnı qorshaǵan ortaǵa osynsha kólemde zııan kelgeni anyq. О́ıtkeni búginde Almaty mańynda qo­qystyń kez kelgen túrin qaıta óńdep, zalalsyzdandyratyn zaýyt joq. Esesine, úlken qalanyń qal­dyǵy Almaty oblysynyń aýma­ǵyndaǵy qoqys polıgondaryna tasymaldanyp, aımaqtaǵy ekologııalyq ahýaldyń asqynýyna áser etip otyr. Buǵan oblystyń óz ishindegi qatty qaldyqtardyń kólemin qosqanda, óńirdegi qoqys jınaý men qaıta óńdeý isiniń dabyl qaǵarlyq deńgeıge jetkenin baıqaýǵa bolady.

Almaty oblysy